المشاركة الأصلية كتبت بواسطة خالدخليفة

والله ياعم انت هتودى الناس دى فى داهية وشكلك مزقوق من المرور علينا ههههههههههههه انا عملت فكرة الميكروباس دى واتمسكت انا وهو وانا شخصيا كنت راكب ميكروباس مرة ولقيتهم بيتصلو ببعض علشان الكماين بس الكمين فى الحتة الفلانية واقف فيه الظابط فلان وحاول تخرم من اى حتة وبس وموضوع النور الرعاش من المقابل ده بطل من زمااااااان كله ماشى ملوش دعوة بحد وبالنسبة لطوخ الطريق سرعته 90 مش 60 ثم مدخل طوخ زحمة جداااااااااااااااااااا ومستحيل السرعة تزيد لحد متطلع من مرور طوخ عن50 او 60 فالرادار ملوش قيمة عمليا
والرادار على الزراعى دائما اما فى المسافة من قليوب لقها او من قويسنا لطنطا او من كفر الزيات لايتاى واخيرا من كفر الدوار حتى مدخل اسكندرية اما على الصحراوى فيوجد حوالى من 3 الى 7 رادار متنقلة وفى ايام مبيشتغلوش خالص تبقى انت قاعد ملتزم وتوصل اليكس بالسلامة متقابلش حد
وانا شخصيا ممسوك رادار على الصحراوى الشهر ده 4 مرات منهم مرتين دول نكتة والله مرة السرعة 101 اه والله 101 والتانية 90 طب 90 ليه يابلدينا فقال الباشا بكل ثقة وفخر اصل السرعة فى التحويلة 60(طريق اسكندرية الصحراوى هذه الايام جارى توسيعه ورفع كفائته ففى بعض الاماكن بيضيقو الطريق الى حارتين وبيسمو المنطقة دى تحويلة)الكارثة بقى انى لما بسوق 100 بنام فبضطر اسافر بالليل لان بالنهار بنام طول السكة
اخيرا فى بومبة لذيذه وهى
اول م تدفع الكارتة وتخرج من البوابات الى الاسكندرية ورا البوابة على طول مبتلحقش تعمل حاجة تلاقى واحد رتبة لاتقل عن نقيب وممكن احيانا ملازم اول بيقوللك الرخص ليه ياعم يشاور لك على الحزام لكن انا عارفها وبمجرد م ادفع الكارتة واخد الايصال وقبل م ادى العربية الغيار الاولانى بربط الحزام واتحرك واخرج من البوابة الاقيه ف وشى باصص على الحزام اشاور له بالسلام والحزام وامشى