رد: عدّاد ال RPM يكون نازل عند تشغيل السياره صباحا
طالما انت بتقول مكنتش كده فانا عملت بحث جديد معلش خد منى وقت
عايزك تتاكد هل جسم الثروتل throttle body ( الى هو جسم زور الهواء او المثيل للكاربريتور بالنسبة للانجيكشن ) مزود بخراطيم مياه ؟
لانه لو مزود بخراطيم مياه فده معناه وجود عنصر مساعد لظبط ال IDLE RPM بالاضافة ل ال IAC و هو عبارة عن صمام مزود بشمع خاص ( راكب جوه الثروتل بدى ) بيتاثر بحرارة المياه الى ماشية فى الخراطيم الى داخلة للثروتل بدى فلما تكون العربية باردة بيكون الشمع منكمش فالصمام بيكون فاتح هواء لتزويد ال RPM و لما العربية تسخن الشمع بيتمدد و يقفل فيقلل الهواء و ينزل ال RPM بسرعة حتى هو اسمه FIAV اختصارا ل FAST IDLE AIR VALVE يعنى صمام التحكم السريع لهواء الايدل و من اسمه يدل على ان ده احتمال المشكلة الى عندك لان من الواضح ان ال IAC عندك سليم بس هو لوحده مش حيهبط ال RPM بالسرعة الكافية لازم مساعدة ال FIAV
و علشان متفهمش غلط ده حاجة تانية خالص غير ثرموستات كوعة الميه لانها برضه شغالة بموضوع الشمع ده و وظيفتها حاجة تانية غير موضوع المشكلة دى
|