فى العربيات الحديثة حساس الحرارة طبعا بيدى الكومبيوتر بيان درجة الحرارة و الكومبيوتر بيستخدم المعلومة دى للتحكم فى حاجات كتير زى(على سبيل المثال ليس الحصر):
- IAC صمام التحكم فى RPM السلانسيه ( زى ما انت قولت المقابل للشوك فى العربيات القديمة )
- EGR عمل صمام اعادة تدوير الغازات (صمام البيئة)
- المراوح بسرعاتها المختلفة
- نقل الكومبيوتر من ال OPEN LOOP الى ال CLOSED LOOP
- كمية الوقود
- توقيت البوجيهات (تاخير تقديم)
- توقيتات الصمامات فى مواتير ال CVVT او ال V-TEC او اى ماتور ذات توقيت صمامات متغير مستمر(النترا - سيفيك - كورولا ....... الخ)
ملحوظة: ناس كتير بتسمى حساس الحرارة (ثرموستات المروحة ) و الثرموستات بيسموها ثرموستات الكوعة بس فى العربيات الجديدة ثرموستات المروحة لازم تتسمى حساس حرارة ماء تبريد المحرك لانها مش على قد المراوح بس