احمدك يا رب لقيت ناس مؤمنه بنفس الافكار وفى مصر موتورز كمان
ptmnlo123per122
اولاً ديه تفاصيل حلقة انهارده
المواد الخاصة بحلقة الاحد 9/5/2010:
الحلقة السادسة من سلسه التطبيقات الحرة ومتابعه جديدة لاحدث تقنيات الويب
(
OpenBox)
اول تطبيق حر للحوسبه السحابيه
اهم خصائص التطبيق ;
تطبيق ويب قياسى يمكن استخدامه من اى متصفح انترنت وباستخدام اى نظام تشغيل
يمكن استخدامه من الاجهزة المكتبيه او من اجهزة الموبايل او من اى فون و اى باد
متوافق مع غالبيه الملفات اوفيس واكروبات الخ الخ
متوافق مع خدمات وتطبيقات جوجل وفيس بوك وتويتر وورد بريس وبلوج بوست ولينكد ان واى فاكس والكثير من المواقع والتطبيقات الاخرى
يسمح بتخزين الملفات ومشاركتها عبر الانترنت وتعديلها وادارة المهام حولها
تطبيقات واستخدامات عملية هامه يمكن انجازها باستخدام هذه التطبيق;
مشاركة الملفات عبر الانترنت (زى اى موقع تحميل وافضل وهيديك مساحة 1 جيجا مجاناً)
متابعه الاعمال الكتابيه وتقارير العمل
تطبيقات متخصصة لادارة المبيعات والتسويق
التشارك فى الرسومات الهندسيه ثنائيه الابعاد او الثلاثية
التشارك فى تحرير الصحف الالكترونيه والمدونات وكل ما له صله بادارة المحتوى عبر الانترنت
المادة الفلمية
مقدمه تعريفيه بالتطبيق
عرض عملى للاستخدمات الاساسيه للعضويه المجانيه للتطبيق
ما ستحصل عليه مع العضويه المجانيه
المزيد من الفيديوهات : صفحة التطبيق على اليوتيوب
http://www.youtube.com/user/Boxdotnet
رابط الموقع
http://www.box.net/
ميعاد اذاعه (الاعادة) الحلقة الخميس القادم 11:30 صباحاً
طبعاً يهمنى تفاعل الجميع سواء متخصصين او مجرد مهتمين او حتى مبتدئين وخاصة ان هدفنا تبسيط افكار مجتمع البرمجيات الحرة لكل الناس وان كانت لسه فيه مفاهيم عايزة تتوضح اكتر ولسه تبسيط الموضوع مش بالحرفيه الكافيه بس بتفاعلكم معانا ان شاء الله هنقدر نوصل لافضل استفاده ان شاء الله
بخصوص استخدام انظمة جنو - لينكس مع انظمة Windows فهى ليها اكتر من طريقه او اسلوب
فاولاً ممكن تستخدم الفلاشه وعليها اللينكس ويفضل الويندوذ والجهاز زى ماهو وديه شرحناها فى حلقة قبل كده وان شاء الله اجيب الفيديو وارفعوه
او عن طريق تنصيب (تستيب) الاتنين على جهاز واحد وده محتاج خطوات اكتر بشويه لكن مش صعب
او عن طريق برامج زى VMware وتنزل اللينكس على الجهاز بشكل ملف واحد وبشكل يخليه يشتغل من خلال الوينوذ
او من خلال Virual Box على اللينكس وتشغيل الويندوذ من خلال اللينكس بنفس الطريقة
ان شاء الله هنعمل حلقه تانيه بتفاصيل الطرق المختلفه لكن مبدئياً افضل ان الناس تبداء بتجربه اللينكس عن طريق الفلاشه
وده الموقع اللى تقدر تنزل منه البرنامج اللى بيحط اللينكس على فلاشه
http://www.pendrivelinux.com/
وده الموقع اللى من خلاله تقدرو تنزلو نسخة لينكس المسماه اوبنتو وديه من اسهل النسخ حتى الان واكثرها شعبيه حالياً وسهلها واقربها لمن اعتاد على استخدام انظمه ميكروسوفت او ابل
يعنى ديه الريسبشن
ياريت الشباب تبداء باستخدام التطبيقات والنظم ديه وتأكدو انها افضل واسرع واجمل شكلاً ومضمومنا فضلاً عن القيم الاجتماعيه والاخلاقيه اللى وراء العمل الجماعى والدولى ده
iskandranee
لى شرف انضمامك لمصر موتورز باعتبارك من المخضرمين فى انظمه لينكس انا برضو بدأت فى 98 مع اصدارات 5 و 6 من ريد هات وسلاكوير بس بشكل هوايه والتجربه والمغامره وبعدين بدايه من 2001 اخدت الموضوع جد وبدأت فى شغلى تطبيق نمازج للنظم ديه بشكل سيرفرات على الشبكات اللى فى الشغل وفضلت كده لحد 2003 وبعدين بدأت تدريسه وتقديم استشارات حوله كان اهمها تطبيق النظام فى فودافون مصر لاول مره وشركه تى المسئولة عن البورصه المصرية ووزاره الداخليه السورية الشقيقه
واخيراً من 2008 وانا مهتم بطبيقات البرمجيات الحره عامه وبالاخص فى مجال الويب وحلول الانترنت وبالطبع موضه العصر الحوسبه السحابيه وما يتبعها من تطبيقات
alaa@virus
ياباشا ربنا يبارك فيك بجد واتمنى ان كل المبرمجين او حتى الاغلبيه او حتى ربعهم يكونو بالوعى بتاع حضرتك
لان اولاً البرمجيات مفتوحة المصدر على عكس ما قد يبدو للبعض شديده النفع للمطورين
فهى اولاً تضع الافق كاملاً امام المطور لتعلم كل شىء واحدث التطبيقات والمشاركة فى اكبر المشروعات التطويريه وامكانيه اعاده تطوير وتخصيص البرمجيات الاخرى وبتديك ادوات ومكتبات تطوير قيمه جداً مجانا او باسعار ذهيدة مع مرونه كامله فى الترخيص وحقوق الملكيه تضمن لك التقدم وتطوير مستواك الى ما لانهايه بالاضافه لكلفه معقوله وتراخيص مرنه وحره بحق لما تقدمه من حلول
يعنى بالبلدى كده للناس اللى لسه ممكن تكون بتفكر تدرس ايه فى مجال التطوير والبرمجه
علشان تبقى مطور وفقا للنظم الاحتكاريه المفروض تدرس بالافات ولا تحصل من العلم وال know how الا على الفتات وتشترى اجهزة بالافات وادوات تطوير زيها بالافات برضو وارمى نفسك فى البحر يا معلم ومعاك ال msdn واعمل برامج مبتكره تجيب فلوس جامده تعوض تكاليف ده كله
بينما البرمجيات الحره هتخليك تتعلم بجد وتمارس بجد وعملى ومع الدنيا كلها ومستواك يبقى دولى وممكن كل ده ببلاش وself study وميبقاش فى حدود لابتكارات وتبيع براحتك ان شاء الله ببلاش
اسف جداً والله على الاطاله ياجماعة بس اتمنى ان كل متخصص على الاقل مبدئياً يشد حيله بجد ويسارع فى تبينه للحمله والعمل من خلالها والا هنفضل متاخرين قرون عن الغرب ومش هنلحق نستغل الفرصه التاريخيه فى توطين التقنيات ديه واستيعابها
يعنى الناس ديه فيه منهم شرفاء متطوعين بيقدمولنا خلاصه خلاصه العلم الحقيقى وبيفتحلك كل الافاق تتعلم وتنتج واحنا عمالين نبوس جزمه ميكروسوفت وانظمه احتكاريه اخرى علشان تدينا قشور التكنولوجيا ومش فاهمين حاجة وبندفع فلوس ميت مره ونسيب القيمه والمضمون ونتمسك بالغث والردئ لمجرد اننا اخدنا على كده
احنا مش عايزين غير انكم تجربو بس شىء افضل واقيم واجمل وببلاش والله ومرخص مش مسروق ولا بكراك
ptmnlo123per171