[نايف محمود محمد]

كيف تهبط سيارتك
بسم الله الرحمن الرحيم


وهيكون كلامي بالتحديد عن الفيبر وتصميم البدي كت
مين فينا مش عاوز عربيت تبقى حاجة كدة من الاخر ويوم مايمشي بيها كل الناس تبقى متنحة عليها وطبعا زي ماقولت ان الشكل الخارجي اهم حاجة لأن ده عنوان عربيتك بمعني ان ده هو اللي هيبان للناس اللي مش فاهمين اوي في العربيات ولا يهمهم الاداء عامل ازاي
والبدي كيتس زي ماقلنا هي اول حاجة انت ممكن تعملها في تعديل شكل عربيتك ويمكن مش كتيير منا هيقدر يشتري كت جديد يعنى غالي الى حد ما
عشان كدة انا جايبلك الحل وهخليك انت تعمل الكت بنفسك طبعا ارخص
بالاضافة ان انت اللي هتكون عمله بايدك وهتبقى فخور انك تقول ان انا اللي عملة
وبجد الحوار بسيط ومافهوش حاجة وكلكو هتقدرو تعملوه انشاءالله
كل الحكاية انك تكون عاوز تشغل دماغك بس
يلا بقى نبدأ
[IMG]file:///E:/egynitrous/custom_body_kits2.jpg[/IMG]

ثانيا:بعد ماوصلت خلاص للتصميم اللي في دماغك ببساطة اشتري قطعة فوم كبيرة
يعني على الاقل طولها يكون على مقاس عرض عربيتك وشها يعني زي اللي في الصورة كدة ومتبخلش وهاتها اكبر شوية...قشطة لحد كدة
هتيجي انت بقى تحطها قدام اكصدام عربيتك وهتححدها من الناحية اللي جوة علي نفس شكل الاكصدام ومن برة على الشكل اللي انت صممتة قبل كدة وهيكون ده الشكل
[IMG]file:///E:/egynitrous/custom_body_kits3.jpg[/IMG]

شوفت الحكاية بسيطة ومافيهاش حاجة ازاي
نكمل بقى عليك انك تستخدم خيالك في عمل تصميم يناسب الخطوط الخارجية لتصميم عربيتك ولازم تكون متأكد باستمرار ان الناحيتين زي بعض بالظبط لا اكتر ولا اقل
[IMG]file:///E:/egynitrous/custom_body_kits4.jpg[/IMG]

ها لسة معايا :smile:
كدة بقة التصميم بتاعك انتهى اقصد القالب اللي انت هتحط عليه الفيبر جلاس
وعشان تثبت الفوم الزقه بأي مادة لاصقة وحط تحتية قطعتين فوم او فلين كدة
خلي بالك بقى معايا عشان الخطوة الجاية هي اهم خطوة على الاطلاف
ركزززززززز
دلؤتي انت هتحط مادة الفيبر جلاس على الشكل اللي انت عملته من الفوم
يعني هتغطي الشكل كلة بالفيبر جلاس
استنى!!!
قبل ماتعمل كدة هتيجي وتغطى الفوم بطبقة غراء وتلصق فوقية ورق فويل
اظن ده حاجة عبيطة خالص وهتلاقية في المطبخ عندكو اكيد
والحكاية دي مهمة جدا لأن ده هيمنع الفيبر من انه يدمرلك التصميم اللي انت عملته
دلوقتي انت تقدر تحط الفيبر جلاس على الفوم وانت مطمن على الاخر وحاطط في بطنك بطيخة صيفي
بس ياريت تكون لابس جوانتيات في ايدك واتحولش تلمس الفيبر بايدك يعني ده مادة كيميائية وانت ماتضمنش ولا ترجع تقول ferrariوداني في داهية
وانت هتحتاج تعمل بتاع 3 طبقات فيبر علة الاقل بص انا نسيت اقولك
الفيبر ده مادة هلامية كدة وعامل زي الغرة وانا زي ماقلتلك هتحط 3 طبقات على الاقل
زي البوية كدة اكنك مدي الفوم 3 وشوش عشان يكون صلب ويستحمل
وسبيه بقى لحد ماينشف براحتة انت هتلاقي الشكل معاك مش متظبط وجزء اعلى من جزء والكلام ده هنعملة بعدين

[IMG]file:///E:/egynitrous/custom_body_kits6.jpg[/IMG]
وقبل ماتجهز الاجزاء اللي انت عملتها بالفيبر هتقولي اجزاء ايه ياعم انت
هقولك بقيت الكت انا قولتلك تعمل الكساحات اللي قدام ازاي وانت بقي اعمل نفس الحوار على الاعتاب والاكصدام اللي ورا...اتفقنا
كنا بنقول ايه؟؟؟؟؟؟
اه قبل ماتجهز الاجزاء اللي انت عملتها للدهان هتصنفر الشكل اللي انت عملتة وهتنعمة عشان تشيل بقى زي ماقلتلك الاحتت الزياد والكلام ده كلة
ولو لقيت اي خدوش او شروخ مش مشكلة
انت دلوقتي هتمعجن الشكل اللي معاك وهيبقى زي الفل انشاءالله

[IMG]file:///E:/egynitrous/custom_body_kits9.jpg[/IMG]
اخيرا بقى هتستنى المعجون لحد مانشف على الاخر وهتودي القطع الفيبر دي لبتاع الدوكو عشان يرشهملك بلون عربيتك ده لو انت مش عاوز تكمل الحوار للاخر وترشهم بنفسك
يعني هيكون صعب عليك يبقى معاك كمبروسور ورشاش وبتاع وعشان متبوظش الحكاية
فوديهم يترشو وخلاص وفي اغلب الاحوال هتلاقيه هيركبهملك في العربية كمان


دلوقتي اقولك مبروك اخيرا ركبت كت لعربيتك زي مانت عاوز وبمجهودك وباقل التكاليف وكمان مفيش فرق خالص بينه وبين اي كيت جاهز وانت شوف الصور واحكم بنفسك[IMG]file:///E:/egynitrous/custom_body_kits10.jpg[/IMG][IMG]file:///E:/egynitrous/custom_body_kits10.jpg[/IMG]