السلام عليكم
انا عندى اوبترا 2006 سوداء حالتها ممتازه وحتكلم بحكم تجربتى لها
1600 سى سى 107 حصان
جنط 14 كاسيت عادى زجاج كهرباء ومرايات كهرباء تحكمهم سهل جدا
فرامل قويه تقدر تتحكم فى العربيه كويس جدا
فتيس مانوال سهل وناعم
فتح الشنطه من زر فى الباب جميله فكرته
سعه الشنطه كبيره جدا واسفل فرشها الاستبن والكوريك
مكيف جيد بس موش تتش
فيها فتحتين ولاعه وكنسول جانبى وفتحتين كبايه امامه
اضائه تابلوه هاديه ممكن تخففها وتعليها
سماعات فى الابواب
سعه التنك 60 لتر استهلاك تقريبا 12لتر لكل100 كم
بنزين 90-92 فقط
بور ممتاز جدا وصالون كبير ومريح ويتيح ليك رؤيه جيده امام وخلف
الكنبه الخلفيه ممتازه ومريحه وواسعه ودى ميزه مهمه جدا
العربيه فى السفر مريحه وعن تجربه قياده لمده 9ساعات
فى الطريق والغرز والشقاوه بتسد معاك كويس جدا
عفشه ممتازه ولا ناشفه تبهدلك من مطب ولا طريه
الثبات والغرز جربتها الى 150 كم فقط على الزراعى بالليل والصحراوى
وجربتها على طريق الكورنيش اسكندريه طريق منحنيات خطره كانت سابته وممتازه الحمدلله سرعتى كانت من 110 الى 140 تقريبا من استانلى ل القلعه
المضمون
العربيه كورى كبيره الحجم صالون كبير ومريح لاسره
يمشى معاها بعض قطع النوبيرا باعتبارها الاب الشرعى للاوبترا
ومفيش حاجه اسمها حك فى مطب انسا الكلام ده
شكلها جميل وفخم استجابتها سريعه ثبات ممتاز
صالون وتابلوه مريح وجميل الشكل والعربيه يعتمد عليها جدا فى اى حاجه
عيوبها
استهلاك وقود 12لتر لكل 100 كم اعتقد كتير فى ظل سعر الوقود الايام دى
ضريبتها غاليه شويه
صاج الكبوت حاسس انه لازم يكون اقوا من كده والله اعلم
كلامى عن تجربه شخصيه لعربيتى وان شاء الله يكون فيه افاده لاى شخص
ونصيحتى لك حاول تجرب العربيه بنفسك حتى لو اتاجر واحده وتختبرها بنفسك
لاكن العربيه دى انا شايف انها ممتازه وشيفورليه مش حتحط علامتها على سياره فاشله او ضعيفه ده رائى الشخصى
وربنا يوفق الجميع