[AbOnOrA]

والله يا احمد ربنا يعلم معزتك عندى وقد ايه يعز عليه مردش على مشاركة ليك او اتاخر عليك

بس انا فعلاً كتبت رد مطووووووووول فى الموضوع ده وبعدين الجهاز خرف والمشاركة راحت ومكانش فى وقت اكتبها تانى

كمان الموضوع متشابك ومينفعش يترد عليه بايجاز او بسرعه

لكن باختصار اقدر اقول ان فيه جانب جيد جداً فى الموضوع ويستحق التقدير والتشجيع وهو تعاون واتفاق الناس لعمل حاجة تعم بالفائده عليهم ده بجد شىء رائع واتمنى ان مجتمعنا الافتراضى يكون دائما سبب لتعاون دائم بين افراده واستفاده متبادله

لكن فى جانب تانى وهو ان اى اعمال تشمل جمع اموال وادارة مدخرات الغير والتصرف فيها لازم يتوفر لها خبرات مصرفيه وائتمانيه واقتصاديه وتجاريه وقانونيه وبالطبع اطار قانونى يضمن نجاحها وتاديتها لهدف منها باحترافيه وبدون مخاطر

الجانب التالت المهم ان التشبيه بين ما هو مطروح وبين الجمعيات التقليدية المتعارف عليها غير دقيق او صحيح بالمرة
الجمعيات التقليدية بتبقى بين افراد اسره واحدة او مجموعة اسر فى حى واحد او بينهم انساب
او بين مجموعة من اصحاب المحلات او الورش فى منطقة صناعيه واحدة
اوبين مجموعة موظفين فى شركة واحدة
وفى كل الحالات ديه بيبقى افراد المجموعة المشاركين فى الجمعية على علم تام بظروف واحتياجات ومصداقيه وجديه الاطراف الاخرى والروابط الاجتماعية او المكانه فى العمل او سمعة الشخص بين اسرته او شارعه او حارته او بين جيرانه بتبقى ضمانه للالتزام وبتسهل حاجات كتير

لكن فى ظل غياب الجانب التانى والتالت وكون مصر موتورز عمل اجتماعى تثقيفى او اعلامىفى الاساس يجعلنا غير مؤهلين لعمل اقتصادى او مالى او ائتمانى بهذه الشكل