هل ينتقل
السلام عليكم و رحمة الله و بركاته
الموضوع أنتبهت له من فترة ...
سمعته في درس ديني للشيخ أبو أسحاق الحويني ...
و شفته في عيون كتير من الناس ألي بيركبوا عربيات حديثة ...
الشيخ تكلم عن أنتقال ثمن السيارة لصاحبها ...
بيقول عن واحد يعرفه
(( كنت لما بركن بالعربيه قدام فكهاني و بنزل منها و بأقفل الباب ...
بأحس أنه صدري منفوخ ....))
المقصود أنه الغرور بيتسرب لنفس السائق من نوع العربيه ألي راكبها..
بيشعر أنه محدش قده ..
و لو حد قطع عليه الطريق أو حاول يسبقه و لو بشكل عفوي طبيعي..
يبقى ياداهيه دقي..
مش لازم ينزل يمسك فيه ..
لكن كفايه يبصله بأحتقار ...
أنا بشوف ده في عيون كتير من الناس و أنا ماشي ع الطريق ..
بالتحديد جوه البلد ..
ياترى مين تاني بيحس بالغرور لما يركب عربيه جديده..
و لا لما يمر جنب عربيه تعبانه..
و مين بيحس أنه ممكن يهدي لحد ما غيره يعدي ببساطه و هوه يعلم تمامآ أنه ممكن يقرص شويه .. و يعديه
مين حس ف يوم أنه ممكن يستنى شويه لحد ما أتوبيس النقل العام يعدي عشان الدنيا حر و العالم فيه متكربسه على بعض و هوه عنده تكييف و قاعد براحته...
مين حس أنه لازم يوسع فورآ الطريق لعربية أسعاف أو مطافي ..
مين حس بأنه ممكن يستنى شويه عشان سواق كبير سايق عربيه تعبانه تعدي قبله ف شارع ضيق بأرادته طواعية مش مضطر لذلك ..
مين حس بأنتقال ثمن العربيه ليه ..
و عمل أيه ؟؟
و لا أنبسط و هيص و كله ف التمام ...
لا يدخل الجنة من كان في قلبه مثقال ذرة من كبر
أو كما قال صلى الله عليه و سلم
سلام
|