04-05-2010, 12:24 AM
|
 |
من انا؟: متأمل فى حال الدنيا
التخصص العملى: مدير فرع بشركة مطاعم بابا جونز
|
|
تاريخ التسجيل: Oct 2009
الموقع: القاهره- النزهه الجديده
المشاركات: 4,061
|
|
رد: يا شباب المنتدى ... ربنا رزقنى بهنا
وها قد بدات المرحله الثانيه فى حياة البنوته الجميله هنا
بعد ان بدات تفوق من شهر النوم اللى هيا كانت عايشاه واحس انى خلفت واننا بقينا 3 فى الشقه مش 2ptmnlo123per1128ptmnlo12 3per1128
كان عندى مدرس زمان وانا فى الاعداديه قاللى انه معرفش ابوه وامه بيحبوه اد ايه غير لما خلف ابنه
مش عارف ليه انا دلوقتى بفتكر الجمله دى كتير ليه دلوقتىptmnlo123per1121
وطبعا بعد ما كنت انا رقم واحد فى البيت .. عايز اقولكم انى لو حد افتكرنى دلوقتى ببوس ايدى شعر وزقنptmnlo123per176
وبالطبع بدء سيناروا المخطط الشريرptmnlo123per157 للاستيلاء على اى عمله خلقها ربنا ptmnlo123per182يلاقوها فى جيبى لشراء ما يفيد وما لا يفيد الانسه نونا لدرجه انى حاسس ان المرحله الجايه مامتها هتبتدى تفكر بقى فى جهازها :12A96E ~160: ( ماهو هو دا اللى فاضل )
بس تصدقوا ساعات بحس ان نونا لما جت جه عليا بفايده .. لانى عايز اقولكم انى خسيت جامد  ما هو طبعا حرمنا المصون هتفضالى ولا هتفضى للهانم الجديده ( ودا طبعا على قلبى زى العسل ptmnlo123per146 )
ااااااااااه نسيت اقولكم انى عملت اشتراك شهرى عند اتنين من باب التوفير شويه هما دكتور الاطفالptmnlo123per197 وشركة بامبرز
اما عن موضوع النوم فاحدثكم ولا حرج .. الحمد لله الواحد بقاله اسبوعين فى حالة استجمام رهيب وبنام نوم عميق بدون اى قلق ولا ازعاج  لدرجه انى بفكر انى افضى الاوضه اللى جمب البواب علشان احس بشويه دوشه ... ما هو مش معقوله الهدوء القاتل داptmnlo123per110
كفايه كده عليكم علشان اللى لسه متجوزش واللى كان بيفكر يخلف .. مالهمش زمبptmnlo123per196
ونلتقى فى حلقات مقبله ان شاء الله
|