03-05-2010, 08:17 PM
|
|
|
|
تاريخ التسجيل: Oct 2008
الموقع: 6 أكتوبر .... المحافظه مش الكوبري
المشاركات: 4,720
|
|
رد: قاعده ال 4 متر لكل 20كم/ساعة
موضوع من اهم الموضوعات يا بنداري باشا ..
وجارك طبعا عنده كل الحق
هي مسافه الامان دي هي المسافه اللي العربيه بتقطعها في زمن رد الفعل
يعني لو مثلا عربيتين ماشيين قدام بعض على سرعه 20 والاولى فرملت ... الزمن اللي سواق العربيه التانيه بيحتاجه ما بين ادراك ان العربيه اللي قدامه فرملت و قيامه بالفرمله( العين تشوف المخ يستجيب ويرسل اشاره للرجل بالفرمله ) + انتقال الرجل من على البنزين للفرامل + اكتمال عمليه الفرمله ...)
طبعا كلام كتير لكنه بيتم في اقل من ثانيه .. بالظبط تلات ارباع الثانيه في افضل الظروف ...لكنه زمن نظري .. بالتجربه الفعليه بيكون ثانيه كامله أو يزيد
الزمن القليل ده على سرعه 20 كم / س بتكون العربيه قطعت فيها 4 متر
ولو على سرعه 40 حتقطع (40 ×1000 /60 / 60 *0.75 ) = 8.33
وهلم جرى
وعلشان كده ساعات بيترجمو مسافه الامان للزمن .. يعني يقولك تسيب بينك و بين العربيه اللي قدامك مسافه توازي ثانيه كامله (يعني توصل للنقطه اللي هو عدى منها(عمود نور مثلا ) بعد ثانيه من مروره عليها مهما كانت السرعه .. ودي اسهل بكتير من معادله السرعه و المسافه
على فكره كلام جارك ده علمي تماما .. وياريت تبلغه تقديري و احترامي
ومش موضوع انه رجل كبير و خبره و بس
الكلام ده عمره ما حيتغير مع الزمن لأنه مرتبط بالطبيعه البشريه اللي ربنا خلقنا بيها
حتى لو الزحمه زادت قدراتنا كبشر مش حتزيد
وده موضوع عن زمن الادراك ورد الفعل و علاقته بمسافه الامان و مسافه التوقف .. اتمنى يكون فيه افاده
http://www.masrmotors.com/vb/showthread.php?t=3577
للاسف ناس كتير فاكره انها تقدر تفرمل العربيه في مترين تلاته .. ده في حاله ان اللي قدامه بيهدي او بيفرمل براحه .. لكن في حاله الفرمله الحقيقيه .. كل سنه و هو طيب
والف شكر ليك على الاهتمام و التنبيه ...
يمكن موضوعك ده يفيدنا اعضاء مصر موتورز و نبتدي نهتم بتطبيقه ...
وتبقى عدوى ايجابيه بدل ما بنلقط دايما العدوى السلبيه ...
ويمكن مع الوقت نحسن سلوك سواقين الميكروباص بدل ما هما اللي بيغيرو سلوكياتنا في السواقه
واسف على الاطاله
__________________
من تواضع لله رفعه The ultimate car would be designed by Italians engineered by Germans built by Japanese &
|