قاعده ال 4 متر لكل 20كم/ساعة
منذ فترة افكر فى طرح هذا الموضوع - لما نعانيه جميعا فى شوارع المحروسة
وهذه القاعده اخبرنى بها جار عزيز - هو رجل تخطى الخمسين من العمر وله باع طويل فى قياده السيارات
قال لى جارى العزيز : ساخبرك عن احدى قواعد السير ، يمكن تقول عنى انى دقه قديمة او يمكن تضحك من كلامى هذا .
والقاعده هى : مسافه الامان
عندما تكون سرعتك 20كم/ساعة اجعل مسافه الامان بينك وبين السيارة التى امامك لا تقل عن 4 متر
وكلما تزداد سرعه السيارة كلما ضاعفت المسافه بمعنى :
- عند سرعة 20كم --> تكون مسافه الامان 4 متر
- عند سرعة 40كم --> تكون مسافه الامان 8 متر
- عند سرعة 60كم --> تكون مسافه الامان 12 متر
طبعا ابتسمت من كلام جارى وقلت له كلامك منطقى لكن ده انا لو سايب مسافه 8 متر الاقى عربيتين دخلوا ادامى من الشمال او اليمين
وكمان انا لو سايب مسافه امان متر واحد فقط لا اسلم من كلاكسات ورعاش من ورائى يطالنبى بالتحرك وكلام من عينة: ( خلصنا بقى - انجز يا عم - انت بتتمشى - خش قبل الاشارة ما تقفل - ......... )
أو تفاجأ بميكروباص او ملاكى ظريف يحشر بوز عربيته فى هذه المسافه ويرمى عليك يخليك تحك فى اللى جانبك !!!!
وما يغيظك اكتر واكتر انك تنظر فى المرأه تلاقى اللى وراك لازق فيك - خاصة الميكروباص والاتوبيسات وفاكرين انها شطاره وكده بيخوفك عشان توسعله !!ptmnlo123per111
أصدقائى الاعزاء ياريت تشاركونى ارائكم ، بالتأكيد كلنا نعانى من مبدأ مسافه الامان
وكلنا يعلم ان عدم تقدير مسافه الامان من اهم مسببات بعض حوادث التصادمptmnlo123per1106
وهل يكفى على الاقل عند السرعات البطيئة او فى الاشارات ان تكون مسافه الامان انك ترى العجلات الخلفيه للسيارة التى امامك ؟
فى انتظار ارائكم - مع تحياتى
__________________
Mohamed Bendary
اللهم فرغنى لما خلقتنى له ولا تشغلنى بما خلقته لى
اللهم ولا تحرمنى وانا أسألك ولا تعذبنى وانا استغفرك
مصر هاتفضل غاليه عليا
|