رد: الخطوة الثانية: سيارة الشركة وحادث (أدخلوا وانظروا للصور واحكموا من المخطئ)
بص يا أ/ احمد هى الروايه كده من جانب واحد فقط .. ولكن اذا صحة الروايه فسائقى السيارتين غلطانين
طبعا انا مش هتكلم عن خطا السياره الحمرا لانه واضح تماما فى انه يحاول يدخل يمين بصوره مفاجاه دون ترتيب بدليل ان كان فيه عربية على يمينه وهو ماخدش يمينه من بدرى
اما عن السياره الصفرا فانا هعقب على نقطتين انت قلتهم لو ربطهم ببعض هتعرف ليه انا بقولك انه غلطان
انت بتقول ان الساعه 2 الفجر .. يعنى صلاح سالم بيهوى
وبتقول ان العربية زحفت 10 م يعنى اللى كان سايق كان كابس على العربية جامد لدرجه انها زحفت منه 10 متر ودى مسافه مش قليله ومقدرش فيهم يسيطر على العربية
ولو انت شايف انه ماكنش بيجرى بالعربية لما العربية تزحف 10 متر واتخبطت فى العربية الحمرا يبقى التلفيات هتكون بسيطه واعتقد ساعتها ان حكم تحمل الـ 50% هيكون حاجه بسيطه
اما لو التلفيات كبيره يبقى زى ما قلتلك كان كابس بالعربيه وساعتها يبقى هو غلطان
وعايز اقولك كمان انه بصرف النظر مين اللى غلطان القانون بيقول العربية المخبوطه من ورا او من الجمب اليمين يبقى اللى خبطه هو اللى غلطان ولو مخبوطه من ادام او الجمب الشمال يبقى اللى سايق هو اللى غلطان
والله اعلم
|