يا جماعة انا امبارح عملت شوية حاجت في الكورسا بتاعتي وقلت أعمل موضوع في المنتدى علشان افيد الناس .
انا شاري العربية من 6 شهور تقريباً ودي أول مرة اعمل لها صيانة عادية .
غيرت الحاجات دي:
1 - قاعدة محرك امامية ( الي هيا تبقى على يمينك وانتا قاعد جوة العربية الي هيا على شكل مربع ) دي كانت مكسورة عندي تمنها 235 جنية من عند سرور في التوفيقية.
2 - سير عمومي ( للكمبروسور والدينامو وطرمبة المية ) ب 75 جنية بردو من عند سرور في التوفيقية.
3 - فلتر بنزين ( ودا كان معايا من زمان مش فاكر بكام سراحة ).
دي الحاجات الي عملتها في الميكانيكا والمصنعية 40 جنية.
بالنسبة للكهرباء.
انا بتعامل مع كهربائي نضيف قوي في معروف في التوفيقية اسمو حسن بدر وأخوة عماد بدر الناس دي بصراحة أكتر من محترمة وذوق في التعامل ولو أي حد عاوز حاجة في كهربة العربية يقولي وانا أقولو على طريق حسن وتليفونة.
عملت شوية حاجات في الكهربة ( مية الازاز الي ورا كان الخرطوم مقطوع والانوار ظبطها والسخونة ظبطها ).
والحمد لله أول صيانة عدت على خير .
بالنسبة للميكانيكي هوا حسن الي جابهولي وخلاه يبصوالي على العربية كلها وقالي انها زي الفل انشاء الله .
وانا تحت امركو في اي استفسار.