متفق معاك يا سامح باشا انه يحسب ليها
بس مش عارف ليه الناس منبهرة قوي كده زياده عن اللزوم
انا شخصيا انبرهرت بتصميم السوناتا لكن الفيرنا الجديدة و دي وقعهم كان اخف عليا
و حتي انبهاري ده زال بعد ما شفت الانتريور بتاعها
بس ده مينمعش اني اعترف ان فعلا الافانتي احلاهم
اما بالنسبة للهوية المستقلة فاعتقد ان علي الجيل الجديد من العربيات دي هتلاقي تصاميم مختلفة تماما عن دي
و مش هيستمروا عليه او علي نفس الخطوط زي الشركات الكبيرة
المشاركة الأصلية كتبت بواسطة hassanshokrof
على فكرة موضوع اختلاف الاسم دة من الانترا لافانتي بيختلف باختلاف البلد
يعني مثلا في كورياوسورياوالاردن(على سبيل المثال ) اسمها افانتي و في مصر والسعودية مثلا بتكون نفس العربية وبيسمسها الانترا تقدر تشبهها بالكروز والاسيتي مع الفرق طبعا هنا في اختلاف الماركة والموديل معا
اما بالنسبة لموضوع ان غبور يجمع القديمة هنا وينزل الجديدة باسم افانتي فاعتقد ان النظام دة كان زمان الناس بقت بتعرف كل حاجة من النت والدنيا كلها كاتبة ان الموديل دة هو الانترا 2011 وحتى لو فرضنا انه حيعمل كدة هو هيلاحق يسد على اية ولا اية
اول السنة دي نزل النيو اكسنت (برضوا اسمة فيرنا هناك ) وعلى فكرة عدلوا في شكلها تاني فى كوريا
وراحوا منزلين يوم 23/4/2010 فيرنا الجديدة
حيسد مع ال3 موديلات الجداد مرة واحدة ازاي ( معتقدش حيقدر ) اكيد حينزل الانترا الجديدة دي باسمها المعروف هنا الانترا زي ما هيا
والاهم من كدة ان هيونداي عايز يستحوز علي اعلى نسبة توزيع سيارات في العالم وبينافس نفسة كمان
اقولك الزاي :
من يومين نزل خبر ان نسبة مبيعات هيونداي بفرعيها ( هيونداي و كيا )وطبعا كلنا عارفيين ان هيونداي شارية كيا نسبة مبيعاتهم زادت في الربع الاول من العام الحالي عن نفس الفترة من العام الماضي بنسبة 36.6 %
طبعا كلنا عارفين ان كيا ( سيراتو و كارينز ) اكتر عربيتين دخلوا من الجمارك المصري فى ال 3 شهور اللى فاتو
واكثر مودلين ساهموا في هذة الزيادة على مستوي الشرق الاوسط بالاخص وفي العالم كمان خاصة استراليا ارتفعت مبيعات الكيا السيراتو ال 2000 cc بنسبة عالية
بكدة لما تنزل العربيات دي السنة اللي جاية اللي حيقل من مبيعات الكيا حيروح لهيونداي
يعني كدة كدة كسبانة كسبانة
تمام يا باشا
|
انا فاهم يا زعيم موضوع اختلاف الاسماء ده
بس ده ممنعش غبور اهو منزل نفس العربية الاكسنت ب 4 اجيال و كلهم بيبيعوا
فهو لو جمع اللانترا الحالية و نزل سعرها ل 85 او 90 الف للكاملة الناس مش هتقول لا
و في نفس الوقت ينزل الجديدة و يرفع سعرها لل 150 الف مثلا و برضة هتبيع
يبقي كسبان كسبان و البحر يحب الزيادة زي ما انت عارف
اما بالنسبة للمبيعات فاحب اقولك ان منطقة الشرق الاوسط كلها علي بعض كده لا تمثل نسبه كبيرة من مبيعات اي شركة
فما بالك بمصر و السيراتو و الكارينز معملوش اي حاجة الا في السوق المصري و السوري غير كده متلقيش
السوق الامريكي و الصيني هما اكبر سوقين و هما اكبر هدف لكل صناع السيارات و السيارات الكوري غير مفضله في اي من السوقين خصوصا ام معظم الشركات الكبيرة فاتحه مصانع هناك فاسعارهم لا تفرق كثيرا عنهم
حتي السوق الاوروبي اللي كان ممكن يبقي الامل ليهم في ظل ارتفاع اسعار الوقود ملهمش في الكوري غير كده الاوروبين ولائهم لمنتجاتهم غير طبيعي
ده كله ميمنعش ان كيا و هيونداي من اكير الشركات نموا بس شخصيا اعتقد انهم علي وشك الوقوف
لانهم ابتدوا يركزوا علي الجودة و الفخامة و الحاجتين دول معناهم زياده في الاسعار و بكده يكونوا خسروا اكبر و اهم ميزة ليهم