رد: انا لوحدى ولا كل الناس زيى؟؟؟
والله عندك حق
بص اولا فيه ناس فعلا عندها شعره (وانا بعتبر نفسى منهم) ptmnlo123per1127
وده لانى بحس بكل حاجة فى العربية وبحب افضل حاسس بكل حاجة معرفش سبب ده ايه بس انا بحب كده وده بيدنى شعور بالامان وانا فى العربية
ثانياً نوع العربية
اقدر اقول ان العربيات اللى تجميعها شرقى وده يشمل (المصرى طبعا والكورى والماليزى والايرانى والهندى والصينى ) عربيات عندها شعره بطبيعتها
وده لان اعتماديتها (والكلام عام) مش عالية وقطع الغيار فيها اعمارها قليلة فطبيعى تلاقى شهرياً مثلا (حسب معدل الاستخدام) حركات واننات وتأوهات مختلفة المصدر والشكل ptmnlo123per1146
ثالثاً الظروق
يعنى مثلا لو العربية انا بس اللى راكب فيها اداء وصوت مجموعة التوجيه هيختلف عن لما يكون فيها 3 او اربعة
الثبات كمان هيختلف واداء المساعدين والسوست مع المطبات هيختلف حتى صوت الكوتش بيختلف ptmnlo123per160
نوع البنزين ومصدرة بيأثر
شحن البطارية ساعات كتير بيأثر خاصة على العربيات اللى محركاتها مدارة الكترونياً
حالة العربية من حيث النظافة (اسفل العربية) بتأثر
حالة الجو (حرارة / رطوبة / اتجاة رياح الخ الخ بيأثر
طبيعة الطرق ونوعية الاسفلت بتاثر
وهكذا فيه عوامل بلانهاية بتأثر على اداء العربية وخاصة لو انت حساس زيادة حبتين
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|