[بدر بسيونى]

يسعدنى ان اعلن انضمامى لاسرة ملاك الهيونداى النترا والعربية لونها باذنجانى موديل 2010 وهى BASE قصة العربية الكلام ده ابتدأ من فترة كبيرة البداية : الاكسنت الاتوماتيك اول مافكرت كانت حدودى ثمانينات وكان الاختيار الاول ليا الاكسنت الاتوماتيك وكنت خلاص اقتنعت لكن انا شخصيا عند مشكلة انا طويل اوى انا طولى 190 سم فلم باقعد فى الاكسنت الكرسى لازق فى الكنبة وللاسف انا محتاج عربية واسعة من ورا عشان الاسرة التغيير : الاوبترا انا الاوبترا كانت عاجبانى بس انا ماركبتهاش رحت شفتها فى معرض وهنا حدثت المعجزة العربية من جوه واسعة جدا جدا لدرجة انا ماصدقتش وبرغم ان العيلة عندها اوكتافيا A4بس العربية الاوبترا قاتلة بجد انا قررت وسعرها كان 89.900 جم والالنترا كانت 93 الف فالفرق كان كبير فنسيت الموضوع وقولت ياواد توكل على الله وخلص استنيت من شهر بسأل الالنترا وصلت كام وكانت المفاجأة العربية 89.900 جم يعنى نفس ثمن الاوبترا احترت بين الاثنين والاثنين متقاربين الى حد كبير (انا عارف فارق الهورس باور ) بس انا بتكلم على الانتريور قولت فرصة اركب الغالى بسعر رخيص وتوكلت على الله امكانياتها تكييف مش تاتش باور كهربى سنتر وانذار وريموت اربعة زجاج كهربى مرايات جانبية كهربية فتح الشنطة والتنك البنزين من الداخل سى دى MP3واوديو ومدخل USB 4 سماعات جيدة مش وحشة مدخل كهرباء مسند يد بمكان تخزين 2 حامل اكواب اهم ملاحظاتى المبدئية عن السيارة الباور خفيف جدا جدا بالمقارنة بالسيفيك والوكتافيا الموتور قوى التسارع اقوى من الاوكتافيا بمراحل لكن اقل من السيفيك العربية واسعة حد مش طويل اوى يقعد وراى مستريح العزل جيد ولكن اقل من الاوكتافيا و قريب لكن اقل من السيفيك الشنطة واسعة الى حد كبير مش ضيقة الخامات المستخدمة داخليا اديها 7 من 10 بعتبرها من افضل السيارات الموجودة فى فئتها المرايات الجانبية توفر رؤية ممتازة التابلوه نور رقيق وانيق السى دى والسماعات مقبولة جدا الجودة الانطباعات السلبية المفتاح مش كمبيوتر وده استعيبته اوى اوى الباور خفيف لدرجة لاتتخيلوها (اعتقد بالتعود حاخد عليه)ptmnlo123per154 وركب معايا اثنين ورا حكت يعنى لما تركب ناس ورا لازم براحة فى المطبات بس اعلى من السيفيكptmnlo123per144 وده الانطباعات المبدئية وحخلص الالف الاولى فى خلال يوم ولا 2 على الاقصى عشان نجربها بجد مش الاشتغالات اللى 80 و90كمptmnlo123per172 وجربت التكييف ممتاز جدا جدا وده من اكتر الحاجات اللى عجبيتنى فيها اوى ptmnlo123per122 وان شاء الله حعمل تقرير عنها فى اقرب وقت وحاجة اخيرة بسبتها جنب الشغل بتاعى فى اسكندرية واحد ابن ..... (حلال)خربش الرفرفين وحته من القايم اللى ورا) مش عارف ليه القايم اللى ورا اليمين بس مش قوية للدرجة وحعملها بولش ptmnlo123per111