[lol64]

انا كنت سايق العربيه وواقف فى اشاره النهارده وزحمه جدا ولا المعجنه
وكنت قافل الزجاج كله ومولع التكييف وعايا العيله
وفجاه عدى موتوسيكل من جنبى ومن بين العربيات وهو موتوسيكل صينى مبالغ فيه وتقريبا سمعت زى مايطكون سند على البودى عندى من ورا وتخيلتها بايده لان عزل الالنترا مايسمعكش حاجه بره الا طشاش وانت قافل الازجاج وبعد مارجعت البيت وانا بركن شفت ان فيه حكه فى الباب الورانى بتاع 2 سم وخرم صغير فى الرفرف الورانى يمين حاجه كده صباعك الصغير مايعديش منها
وريتها لواحد بتاع دوكو قاللى لازم كل الباب والرفرف يندهن وانا رفضت بصراحه لان الموضوع بسيط مش مستاهل كل المنطقه دى تندهن
انا كده صح ولا غلطان ؟
انا قلتله انا هادهن المنطقه دى بس وقاللى براحتك
عايز رايكوا