[momo.ahmed81]

المشاركة الأصلية كتبت بواسطة Devill Blood بصراحة الأوبترا فاخمة جدا والنيو أكسنت لم تنتشر بعد وربما لا تنتشر لأنه لا إقبال عليها بعد يا أخى ده الجيب شروكى 2009 أنتشارها أكبر,ربما الشعب المصرى لا يثق فيها ولكن أتعلم يا أخى أن هذه السيارة قد تبقى معك حياتك بأكلمها! نصيحة حاول قدر الأمكان أن تدفع مقدم أكبر لتأتى بسيارة أفضل منهما

فى مشكله حصلت معايا ان المفروض كنت استلم العربيه (الاكسنت) من اسبوعين و كل شويه تتأجل

و فى الاخر اتصلوا بيا و قالولى اللون الموجود هوا أحمر الرقاصات دا و مفيش نبيتى نزل خالص منها ( مع انى شفت بعينى عربيه نبيتى فى الشارع) ...

و قالولى فى عرض خصم 2000 جم على العربيه لغايه اخر الشهر .. المهم رحت سحبت فلوسى انهرده منهم و قالولى ان العرض دا طلع على النيو اكسنت القديمه مش الشكل الجديد كمااااان

و كمان عرفت ان الشكل دا شكله مش هيعمر فى مصر عشان مش عارف بيوقولوا معلهوش اقبال عشان الفرق 4000 عن الشكل القديم ( عالم غبيه يعنى منزلين شكلين يضربوا بيهم بعض) و اللى سمعته من كل المعارض بصراحه ان الكميه اللى بتتجاب منها قليله اوى يعنى فى الطلبيه ممكن تيجى 10 عربيات بس .. بعكس عربيات كتيره بتيجى المركب كلها بيها

و الجميل بقى اللى جننى ان قريت خبر انهم منزلين عربيه نيو اكسنت 2011 شكل جديد خالص هينزل فى معرض بيكين
و لما سالت التوكيل قالى معرفش بس اكيد الشكل دا هيطول ..

( دا اللينك بتاع الخبر
http://www.egyspeed.com/blog/?p=5949 )


قولتله ولا بشوف عنها أى اخبار فى الجرايد و لا حتى أى جرنال جايبلها حاجه و لا حتى سعر ليها ولا أى اعلان ليها .. قالى اصل لسه شويه عليها ( على اعتبار ان العربيات اللى بتنزل واقعه يعنى و بيعملوا اعلان عشان يمشوها)


فى الاخر لما اتخنقت من موضوع الاكسنت دا .. قولت شكلى هجيب حاجه مستعمله امشى بيها نفسى لغايه لما 2010 تخلص لانها سنه تبديل اشكال كتيره فى موديلات كتيره و منها الاوبترا هتتغير السنه اللى جايه (عشان كده المصريه خلصت من موديلات 2009 عندها) و اشوف ايه الجديد اللى ناويين يتحفونا بيه

و بالنسبه للبروتون عربيه ممتازة بس ليها عيبين اغبى من بعض ( و دا من وجهه نظرى) اعاده البيع و قطع الغيار

و بصراحه مش عارف ليه مع انها عربيه جميله جدا و صاجها ناشف

بس احنا فى مصر بقى معرفش بتكون مزاجات ولا حظ ولا ايه
بس بصراحه احب اشكر كل اللى فى الموقع الرائع دا و كل واحد قال وجهه نظره عن أى عربيه و عن تجربته معاها

و بجد دا أجمل موقع اشتركت فيه لانه افادنى كتير أوى فى مواضيع و تجارب مكنتش أعرف عنها حاجه
و شكررررررررا