رد: هل تعتبر نفسك بتعرف تسوق؟؟؟
الحاله النفسيه كمان بتتأثر بالطريق نفسه
يعني الطريق سالك ولا زحمه
الناس بتسوق كويس ولا كله مستعجل ومخنوق وبيزنق وكدا ... اكيد دي بتشد الواحد
حاجه تانيه نوع العربيه وحالتها ... يعني لو الجو حر و ماشي مشغل التكييف حاجه ... او العربيه مفيهاش تكييف من اساسه... اكيد المود حيفرق
نوع العربي وحالتها ...
في عربيه التابلوه بتاعها هااااادي تبقى عايز تنام .... و عربيات تابلو ه يخليك عايز تدوس بنزين على الاخر
راكب معاك حد و لا لوحدك ...
انا عاده لما اكون لوحدي ممكن اجري لو الطريق يسمح ... لو معايا حد مبجريش ... لو الولاد معايا مبمشيش اساسا
السن برضو بيفرق شويه
سواقتي لما كان عندي 18 غير 25 غير لما اتجوزت غير دلوقتي خالص
يعني زمان لو حد كسر عليا كنت لازم اجيبه و اكسر عليه زي ما كسر عليا ... دلوقتي خصوصا لو معايا العيال ... امه لا اله الا الله ممكن تكسر عليا عادي خاااالص
وكان في كلمه قالها زميلنا محمد كمال BmkBmk ....( السواق الكويس يحافظ على الناس حواليه )
وده تقريبا نفس معنى كلام ا/ حازم (انه ميخليش الناس حواليه تفرمل بسبب افعاله)
اكتر حاجه تغيظني اللي ياخد غرزه يخلي واحد يفرمل ..... او اللي يحدف على الناس ( زي الميكروباصات) فالناس توسعله و تسيبه يعدي و يبقى فاكر نفسه بيسوق كويس وعرف يسلك نفسه ... دي قله ذوق وجهل
__________________
من تواضع لله رفعه The ultimate car would be designed by Italians engineered by Germans built by Japanese &
|