المشاركة الأصلية كتبت بواسطة lancer.style
انا الرخصة اتسحبت من النهاردة على الدائرى و السرعة كانت
98 كيلو متر (انا كنت ماشى 120 اصلا )
من اصل
90 كيلو متر
حرام والله انا متدايق جدا على الــ 8 كيلو المهم عايزين 150 جنية حق المخالفة
|
بص يا لانسر ... اللي انا اعرفه ان الرادار مش بيظبطوه على السرعه بالظبط ... يعني المحور مثلا (ودي معلومه من ظابط في المحور ) الرادار بيكون على 91 .... وهو اساسا 80 كم ... علشان يدوا للناس فرصه بالرغم ان 80 دي السرعه القصوى ومن حقه يحسب مخالفه على 81 كم
تاني حاجه ... سرعتك كل ما تزيد المخالفه تزيد ... فهما كتبوا 98 علشان ميدفعوكش كتير ... والله اعلم
فمتضايقش على 8 كم لأنهم في الاصل كانو 30 كم زي ما انت كاتب
بصراحه انا مع نيسان في كلامه .... و احييه عليه ... بس اللي يضايق فعلا ان كل الناس ماشيه غلط و بتسلك نفسها
يعني انا التزم و اقف في الطابور وواحد ييجي يخلص مصلحته و انا واقف ... او امشي سليم و ادفع مخالفات واحد لاعب في النمر
لكن في النهايه ... الواحد بيعمل اللي عليه ..... وبيعامل ربنا قبل الناس
انا مش قصدي اعمل واعظ او اتفذلك ... بالعكس ممكن يكون القانون مش صح
يعني المحور تكون السرعه عليه 80 و الدائري المدغدغ 90 ... اكيد دي حاجه عجيبه وتغيظ
لكن فصدي .... اذا كنت في روما فافعل كما يفعل الرومان ....
يعني معاك واسطه اعمل اللي يمليه عليك ضميرك ....
معاكش امشي جنب الحيط .... لكن متطلعش تجري ... و لما تتمسك تقول حرام اني اتمسكت !!!
انا زمان كان ليا ناس يجيبولي الرخصه لما تتسحب رادار ... وعملتها 3 مرات في شهرين ... وبعدين قعدت افكر فيها
الوقت اللي الواحد بيضيعه علشان يرجع الرخصه .. سواء بالقنوات الشرعيه او سكه ابو زيد ... بياخد وقت
في حين ان فرق ال 30 كم سرعه يفرقوا في المشوا كله اد ايه ....لو الدائري كله من اوله لأخره ... تفتكر تعمل فرق زمن اد ايه ؟؟؟
ربع ساعه !!!!!! ايوه 15 دقيقه ....
تفتكر انه احسن ..... التزم بالسرعه واضيع خمس ولا 10 دقايق في المشوار ... ولا اضيع وقتي في مجايب الرخصه وغرامه وحرق دم او حتى جمايل ووسايط ....
فكر فيها وقولي رأيك ايه
وارجو انك تتقبل كلامي كاخ ليك وميكونش ضايقك .... انا كنت بجري برضو ptmnlo123per1127