[مهند سالم]

الميكانيكي دائما بيعتمد على إن صاحب العربية مش فاهم، ولذلك هيقول ليه أي حاجة هيصدقـ، وبالتالي فأي مشكلة هيخرج منها بأي حجة، لكن نصيحتي اوعى تعتمد على كلام صنايعي واحد إلا لما تكون واثق فيه تمام الثقة ومجربه، لكن طالما إنك مش واثق في الصنايعي فحاول تتأكد من كلامه، وهأحكي ليك حاجة حصلت معايا
أنا أخذت خبطة في الباب ، والباب اتطبق، جه السمكري قال ما تجبش حاجة استيراد وأنا هأصلحه ليك، طيب يا عم هتاخد كام تصليح، قال تقريبا 300 جنيه ، قلت له: طيب ما أجيب جديد استيراد أحسن ويبقى فبريقة، قعد يقول لي الاستيراد غالي ، والطقم هيعمله 2000 جنيه، والكلام ده، ما صدقتوش، واتصلت بناس في عزبة شلبي شغالين في العربية، قالوا: قطم بيبان استيراد فبريقة ب650 جنيه، وأغلى واحد قال: 850 جنيه، فإوعى تعتمد على كلام الصنايعي، لازم تسأل وراه، وصدقني هتكسب مش هتخسر.
وعموما غير الميكانيكي ده فورا، وشوف حد كويس، وإن شاء الله أعضاء المنتدى هيدلوك حسب عنوانك، وشكرا ليك