|
الهفي لوبو ومشاكلها
اخواني الاعضاء حبيت اكتب مشكلتي ومذكرات مع السيارة الصيني المدرجة بالعنوان ي
اولا يقال انها منزلش غير حوالي 1200 سيارة منها فقط مش عارف لية ودة كلام واحد من التوكيل الصيانة لاسباب مجهولة اما المواصفات
شكلها انيق احلي من المكوي والعصفورة والديهاتسوا والسيارات اللي شبيهة بيها
واعلي منهم كمان عن الارض
بها كماليات لاتوجد في سيارة بمواصفاتها ودي احلي حاجة بيهتم بيها الصينيون وهو ازاي تلمع بضاعتك وتجزب بها عيون المشتري بجد تحفة
تعالوا بقي للعيوب
فرامل سافلة وحشة جدا
عالية من ورا تقلب بسرعة مفيش ثبات خالص كانك راكب عجلة نصر
واطية من قدام تخليك ماشي مقلق من البلاعات
عفشة ورق لو نملة معدية زنقت راسها تحت العجلة حتلوح الجنط دة لو متقلبتش
كمبيوتر بيستهبل ماشي مرة في الشتا مطرت عادي لالالالالا اتحرق الكمبيوتر وثمنة 2900 تقريبا
قطع غيار مش موجودة ولو حد من قرايبك في الصين ابعت اسمة للتوكيل يمكن يقدر يبعتلهم قطع غيار
مؤشر الحرارة وقف لوحدة طب من اية مش عارف واحد قالي هات بتاع الاودي v6 هيتغل بس بالمشقلب اة واللة
بودي بتاعها سلوفان مش ورق
اة اة الدواسات صفيح تقريبا بتتكسر بسرع
بس بصراحة شكلها حلو من جوة
نصيحتي لو عايز عربية تروح بيها السوق اللي جنبك وترجع او مشاوير خفيفة جدا مع اعتبار انك راجل او ست عندة نوع من الاهتمام والحفاظ علي ممتلكاتك وسنك لا يقل عن 45 سنة مش شاب يعني
ولنا تكملة ptmnlo123per1147
|