لمن يهمة امر غزة ويريد الاتصال بهم
السلام عليكم
للاتصال بـ غزة:
* ادخل كود فلسطين (00970) ثم كود غزة ( 8 )
* ادخل سبعة أرقام عشوائية ابدأها بثلاثة أرقام اخترها من المجموعة التالية: (286-284-283-206-205-213)
* عرّف بنفسك - بلدك - تضامنك
للموجودين في السعودية .. تكلفة الإتصال على غزة الدقيقة بـ 50 هللة يعني اقل من ريال
الإتصال الأول
رجل صوته كبير في السن من اللخبطة اللي كنت فيها نسيت اسأله عن اسمه بس عرّفته بنفسي
شخص فاضل وطيب جداااا.. دعالي كتيييير اووووي والله دمعت من كلامه .. قاللي بادره جميلة انكم بأي طريقة بتحاولوا تكونوا جنبنا
سألته عن الأوضاع في غزة .. قاللي والله لانحسد عليها .. مافيش كهرباء مافيش اي شئ من مقومات الحياة
دعيتله وقلت اي حاجه تحتاجوها احنا تحت امركم قاللي الدعاء ده كل اللي نحتاجه الدعاء..
الإتصال الثاني..
أم محمد .. سيدة فلسطينية اصيلة
عرّفتها بنفسي واني بتصل عشوائي .. حمدت الله إن اتصالي مسك معاها لأنها كانت محتاجه للإتصال ده
سألتها اذا كان في قصف شغال دلوقتي وانا بكلمها.. قالت لي حالياً مافيش بس قبل ماتصل كان في طيارة فوقهم وراحت..
سألتها ايه اللي ممكن نقدمه ليكم .. قالت لي الدعــاء
بلغتهم إننا بندعيلهم وإننا حاسيين بيهم .. قلتلهم خليكم صامدين كلنا معاكم
بندعيلكم ليل نهار .. والله ماحدش ناسي غزة ولا اهل غزة من الدعاء ابدااااا
ياجماعــة شعور جميل جداااا إنكم توقفوا جنبهم..اتصال بثمن بسيط جدااا بس نتيجته المعنوية كبييييرة جدااا
انتوا كمان هتحسوا بقيمة اللي عملتوه بمجرد سماعكم لدعاء من ناس بتعاني من الحصار والدمار ..
ادعولهم كل طلبهم انكم تدعولهم .. بالله عليكم ماحدش ينساهم من الدعاء
وياريت اللي اتصل يجي هنا يحكيلنا عن تجربتـــه
|