|
قبر يلّم العفش
قبر يلّم العفش
________
-1-
المجند حامد طه الجرجاوى00هكذا اسمه00شاب فى مطلع العشرينات مفتول العضلات معجون بخير الطمى مغزول بشمس الصعيد 00
نادى عليه الشاويش عسران فتقدم من الصف بهمه وفتوة الشباب
- نعم يا فندم
وأشار له الشاويش بأن يتبعه00
ذهب إلى القائد وعندما رآه لأول مرة صعق من الرتبة التى يحملها على كتفيه ووقف متسمرا وعقله البسيط يدور بسرعة البرق فما الذى أتى به إلى هنا ليقف أمام القائد فعلّها كارثة ستحيق به وتهمكه فى طياتها!!
إعتدل القائد ونظر إليه مليّا قبل أن يقول:
- عسكرى حامد
قال بإرتعاش :
- تحت أمرك يا فندم
- إنت سوّاق
- أيوه سعادتك يا فندم
إلتفت إلى الشاويش عسران وقال:
- الواد ده تركبه العربية الجيب الخاصة بيا
- أوامر معاليك
- إنصراف
وخرج من عند القائد لا يصدق نفسه ولا يتخيل أن الدنيا من الممكن أن تبتسم له هكذا !!
قال عسران:
- واد يا حامد إنت أمك داعيالك بقيت بقدرة قادر سواق القائد الخصوصى00 ومتنساش إن أنا اللى رشحتك00فاهم
قال ولسانه يلهج بالشكر:
- ربنا يخليك ويبارك فيك00ده جميل والله
- شوف 00المهم أنك تستر فى الشغلانة دى00تبقى أعمى وأخرس وأطرش والأهم تبقى كلب سيدك وإلا العقاب ح يكون أليم
- مفهوم جنابك وربنا يديمها نعمة
- تسمع كلامى وتنفذ اللى أطلبه منك 00مفهوم
- طبعا مفهوم00 أنا خدامك
- ح نشوف ولو إتعوعجت ح أخللى حياتك جحيم ومش ح تطلع من الجيش إلا جثة
- أنا خدامك ومن غير تفكير
- إنصراف
إنطلق إلى وحدته وهو يهمس:
- قبر يلم العفش
تتبع
__________________
|