الدكتور تامر
أنا عارف إنى حتى الآن مغلبك سؤال على عربيات و أنا مقطع الدنيا تدوير على عربيات من اللى حضرتك رشحتهالى و مش بلاقى حاجة كويسة و بالسعر اللى حضرتك حددتهولى
العربية النضيفة بيتطلب فيها غالى جدا
و العربية اللى سعرها فى المعقول بتبقى تعبانة خالص !!
فياريت لو عند حضرتك أو حد معرفة أى حاجة كويسة فى حدود الأربعين ألف و يا ريت لو حاجة أوتوماتيك
حضرتك كنت نصحتنى بلانوس أو أكسنت أو إبيزا
و أنا ميال للإبيزا و البولو و العربيات الصغيرة عموما و كذلك لو فى حاجة أوتو ماتيك هتبقى أريح جدا حتى لو هزود شوية فى الفلوس
إيه رأى حضرتك فى عربية سبارك فابريقة برة و جوة موديل 2008 أول يد ؟؟ تسوى كام لو حالتها كويسة واخدة بس حكة فى الرفرف الشمال و مردودة على البارد
متشكر جدا يا دكتور لسعة صدرك و لاستحمالك لزميل المستقبل اللى نفسه يترحم من بهدلة المواصلات