المشاركة الأصلية كتبت بواسطة Bendary
رأيى الشخصى
أن المصرى قليلا ما يكون عنده ثقافة لشئ معين - وغالبا ما يكون بيحب يفتى فى اى شئ
لو سالت اى واحد عن العربيات يقولك - عن ادوية يقولك - عن الكورة يقولك - عن السياسة يقولك - عن اسعار الشقق والاراضى يقولك - عن الفيمتو ثانية برده يقولك !!!!!!!!!!!!!!!!!!!!!!!!!
لذلك مفيش فى مصر اى جهه استشاريه لاى موضوع مهم يهم المواطن العادى ، ومفيش اى جهه تقدر تاخد منها معلومات بنسبة عالية من الصحة والتأكيد - حتى الجهاز المركزى للتعبئة العامة والاحصاء معلوماته منقوصة بشكل كبير ( وده عن تجربة فى مجال التجارة والاقتصاد )
لذلك فان متخذ اى قرار مثل قرار شراء سيارة يعتمد على خبرته الشخصيه والمعلومات التى ياخذها من اصدقائة ومعارفه وتجاربهم الشخصية .
وتحياتى للشفافية وعصر المعلومات
|
دي مشكله فعلا في ثقافة المصريين فتايين في كل حاجه وبالذات في العربيات تسأل اشتري عربية اي واحد يبصلك بصة الخبير ببواطن الامور ويقوم قايلك :- " ابعد عن الاماني عشان بيسخن " وواحد تاني يقوم قايلك " الياباني قطع غيارو غاليه ومش موجوده " وقيس عي كده فتي للصبح
بس لو فيه جهه متخصصه تتطلع تقارير معتمده وتتحمل مسئوليتها الناس حتروح تستشيرها ولا حيفضلوا يفتوا بردو