رد: هل الحل نبتسم في وش بعض؟
موضوع هايل و ربنا يوفقك و يكرمك ان شاء الله
و زي ما ذكر احد الاعضاء الحديث ان تبسمك في وجه اخيك صدقة
و الابتسامة مفهومة لكل الناس بجميع اجناسهم و من هنا بتيجي اهميتها
اما بالنسبة لموضوع المصريين في الغربة ده فحدث و لا حرج
انا مولود و عايش في الكويت و شفت عينات من الناس لا تستحق كلمة بشر
و طبعا كالعادة سمعتنا سابقانا و بقي المصري مرادف للكسل و اللئم و الفهولة و النصب
و للاسف اغلب المصريين بيبقوا كده فعلا و الناس الكويسه بتتاخد في الرجلين
بس اللي اقدر انصحك بيه انك و بكل بساطة اعمل باصلك و بتربيتك و بين للناس كلها ان زي ما في الكويس في الوحش و وريهم الكويس بيبقي عامل ازاي
انا شخصيا مؤمن بده و بعملة و في اكتر من موقف اسمع نفس الاسطوانة اياها بتاعت المصريين و اللي بيعملوه و بكل بساطة امسك اللي بيتكلم و خصوصا لو يعرفني و اقوله انا عملت معاك كده او كده يبقي مش كل المصريين زي بعض
و اللي عمل معاك الموقف ده اصلة ايه و فصله ايه و طبعا كالعادة بيكون مجهول الاصل و جاي من مستنقعات مصر
و اقوم ساله انت مش في بلدكم في برضة فئة معينة تصرفاتهم و اسلوبهم عجيب و طبعا انا بيكون عندي فكرة عن الفئات دي و بكده تلاقي الشخص ده اتكسف و في اغلب الاحيان يعتذرك
و اقوي جملة اثرت في جدا لما لقيت واحد بيقولي انا اول مرة اقابل واحد مصري ابن ناس و ده اللي خلاني اتمسك بالمبدا ده و احاول انشره
فدي نصيحتي ليك
و انت باين من كلامك انك شخص محترم و ابن ناس فتعامل مع الكل بهذا المنطق
و للاسف مضطر اقولك تستثني المصرين من كده حتي يثبت ان اللي قدامك يستاهل
و ربنا يكرمنا جميعا و نقدر نرجع نعيش في بلدنا معززين مكرمين و نخلص من الغربية و قرفها
__________________
Sharief Mansy
Farewell my Cayenne, you were the best car i ever had and driven
|