[hossamhussein0]

موضوع جميل جدا و زي العسل

زمان من لما كان عندي 5 سنين كنت اجلس علي جزء صغير جدا من كرسي السائق (بين رجلين ) خالي رحمه الله و كان بيركب عربيات كثير أتذكر أن اول عربية اتعلمت عليها كانت سيارة بيجو 304 و كان بيسيب الدركسيون و يعلمني ازاي الف العربية (وهو ماسكه طبعا من تحت) كان يخليني اضرب كلاكس و اشغل النور و بقي الوضع الي سن الثامنة كنت يدوبك بشب علشان المس البنزين و يدوبك عنيه شايفة الطريق بالعافيه بس ما كونتش اعرف حاجة عن الفتيس و الدبرياج كان يدوبك ادور الموتور و اقعد علي رجله و احود يمين و شمال و ادوس بنزين و فرامل و هوه طبعا مع الكرسي للخلف و مسيطر علي زمام الامور ،،، و أول طلعة بجد كانت في عمر 11 سنة كنت بسوق بجد بس طبعا علي قدي بس كنت بجيب اول و تاني و ثالث و كده و كان ساعت كرسي السائق للامام خالص و عليه شلته خفيفة حتي استطيع ان اري الطريق و اطول الدواسات في نفس الوقت و كانت عربية 132 و طبعا كان بيبقي دائما حد كبير قاعد علي الكرسي اللي جانبي و علي سن 14 سنة كنت اجيد التحكم في السيارة و الركن و كل شئ و من سن العشرين بدأت رحلتي مع ميكانيكا السيارات لاتعلم المكونات الرئيسية و كيف تعمل و بالتالي كيف يتم تشخيص العيب و الاصلاح و ما الي ذلك و امتلكت اول سيارة خاصة عام 93 عند بلوغي سن 21 سنة.

و نسيب بقه ذكريات الطفولة و نرد علي الموضع الاساسي:

أنا بالفعل من عامين كان ابني عنده سنين و نصف و كنت في رأس البر وابتديت معاه المشوار كنت وانا سايق داخل البلد اخليه يقعد علي حجري و يدوس كلاكس ،، و كان الموضوع مثير لاهتمامه ،،، و حاليا اصبح يعلم ما معني دركسيون و فتيس و يعرف ان الدركسيون بيخلي العية تلف و الفتيس ده بيخليها تمشي للامام او للخلف و احاول ان اتركه في كرسي السواق يلعب و يلهوا (و العربية راكنة طبعا ) ليستكشف و يتعرف علي الموضوع و باذن الله احاول ان القنه بالتدريج ليصبح سائقا جيدا في سن معقول و عندها مش هيبقي فيه مشكلة من ان اعطيله العربية اول لما يطلع رخصه طبعا. لانني من النوع اللي بيخاف كثير جدا علي الاولاد و قلبي مش جامد قوي زي ما خالي كان بيعمل معايا

مرة اخري شكرا علي الموضوع قد ايه احيا ذكريات جميلة داخلي