المشاركة الأصلية كتبت بواسطة HaMaDa-ToUBaR
ايو كدة يا حورس انت اول واحد تتعاطف مع الجيل الجديد
بس قولى بقى انت والدك بيتعامل معاك ازاى فى المسألة دى ؟؟ ptmnlo123per1127
|
مش موضوع تعاطف يا باشا
الفكرة ان الموضوع لما يبقي بعلمي احسن ما يكون من ورايا
و احنا بعيد عنك في زمن عجيب و اكيد لو عاز يقرطسني مش هيغلب
شخصيا انا كان عندي فكرة مبداية بالسواقة خصوصا الاتوماتيك لانه سهل طبعا
و لما كبرت شوية والدي بقي يخليني اسوق علي خفيف كده في شوارع جانبة بس
و بعد كده بقت صلاة الجمعة هي الحصة بتاعتي بروح و ارجع من الجامع سايق و والدي جنبي
بس طبعا فكرة اني اخد العربية ده كانت مستبعدة تماما خصوصا اننا عايشين في الكويت و الكلام ده مفهوش هزار هنا
و اول ما تميت 18 سنة كنت بعرف اسوق خلاص لكن والدي صمم اني ادخل مدرسة تعليم برضة و بالفعل المدرس اداني 3 حصص من 5 و قالي كفايه عليك كده انت كويس و مشيت في اجراءات الرخصة علي طول سواء الكويتية او المصرية
و الحمد لله اخدتهم و بقيت اسوق رسمي