رد: وقفة لملاك M11 مع التوكيل
[quote=ahmed_darhos;165346]بص يا باشا .. انا هأقولك رأيى بما يرضى الله.. العربية بجد جميلة جدا... شكلا و موضوعا.. يعنى أداء و سحب وثبات على سرعات عالية زى الفل... العربية عالية حتى لو فيها خمس ركاب ماتخافش من المطبات.. التكييف رائع و خصوصا انى بشغله دايما..استهلاك للبنزين معقول جدا جدا.. العربية فول أوبشن .. يعنى فيها كل الكماليات اللى ممكن تفكر فيها.. هى ما كانش ناقصها أى حاجة غير انها تكون أوتوماتيك....
نيجى بقه لموضوعنا.. العربية دى مشكلتها الوحيدة انها اتجمعت عندنا فى مصر.. يعنى العربية دى لو جت من الصين على طول كانت هتبقى مثالية..
كل اللى احنا بنقولة ان المشاكل دى بسيطة وممكن تتحل بسهولة ... لكن ربنا رزقنا بشوية ناس ما عندهمش ضمير فى الصيانة و كل اللى يهمهم انهم يخلصوا أكبر عدد ممكن من العربيات,,, و مبرمجين على الصيانة الدورية و مابيعملوش أى حاجة تقابلك غير لما تقعد تتخانق و تعلى صوتك.. احنا هدفنا الاساسى هو جذب انتباه التوكيل والضغط عليهم فى مركز الصيانة لحل المشاكل اللى هى صوت رجرجة فى الأزاز و تزييق فى العفشة و بعض المشاكل الخاصة بكل مالك...
انت بتتكلم على عربيى 1600cc فول أوبشن مانيوال ثمنها 75000 جنيه..
يعنى لما تحب تقارنها هتقارنها اما بالأفيو أو النيوأكسنت... ادخل على المنتديات و شوف مشاكل العربيات و قارن
بنفسك... و فى الاخر هتتأكد انها برقبتهم
انا معك يا اخ احمد والله العربيه لما تيجى تقارنها بنفس العربيات الى بسعرها هتلاقيها فعلا احسن بكتير جدا
والله العظيم العربيه ممتازه بس نتيجه تجميعها فى مصر يظهر بها عيوب وان شاء الله تتصلح بس والله
العربيه دى احسن من عربيات كتير بنفس السعر نفسى بس التوكيل يتقى الله شويه
والى بيجمعوا يتقو الله والله ربنا هيحاسبهم
العربيه دى لما يحلوا المشاكل الهايفه دى هتون ان شاء الله رقم واحد مش علشان انا جبتها
لا لانى مقتنع بيها
وربنا يقدر الخير
والأخ الى هيشترى استخير وربنا هيقدر لك الخيروفعلا لازم تشوف العربيات المنافسه اخبارها ايه؟
و الله أعلم..
|