16-04-2010, 09:59 AM
|
|
من انا؟: مصرى مسلم متزوج وأبو ياسمين و أحمد
التخصص العملى: أخصائى أمراض نساء وتوليد ولكن حاليآ أعمل طبيب طوارىء بمجال البترول ومعى شهادات أميريكية من جوهانسبرج
هواياتي: صيد السمك واصلاح السيارات وأى حاجه بايظه
|
|
تاريخ التسجيل: Apr 2009
الموقع: من المنصورة وعايش بالقاهرة وأعمل بالخبر / السعودية
المشاركات: 2,153
|
|
رد: لهذا السبب اخترت التوكيل والضمان !
خالد باشا ! أنا مش عارف ليه غيروا الصره الشمال للعجله الآماميه ! أنا لم ألاحظ أى تغيير
على الفرامل أو أداء السياره عمومآ ! أنا كان كل شكوتى ان لمبة ال ABS نورت و انطفأت بعد كام ساعه !
لكنى ذكرت للمهندس انى لما بأضرب فرامل مفاجأة لتكتيم السياره وايقافها فى الحال بأحس ان فيه حاجه بتنخلع
أو بتنفصل تحت دواسة الفرامل وزى ماتكون حاجه انكسرت و معلقه من طرف واحد و بتخبط فى اللى حواليها !
فقال لى هذا هو شعور ال ABS ! فقلت له لا أعتقد ذلك لآن اللى بتقول عليه المفروض تحس ان الفرامل بتقطع
و فيه حركه ارتداديه سريعه فى الفرامل وأنا لم أحس بهذا الشعور أبدا وان كنت بأحس فعلا بتأثير الفرامل الخفيفه
وأنا بأعدى سياره وبأكسر عليها فى نفس الوقت ! فالراجل بصراحه كان ظريف وقال لى احنا حنكشف على الفرامل كلها
عمومآ يمكن يكون فيه حاجه ! وبصراحه أنا قلت له مش مهم لآنى لا أشتكى من الفرامل ولكن بس عايز أعرف اللمبه
نورت ليه ؟؟ و ده طبعآ غلط و تساهل منى ! ولكن فى كل الآحوال أنت لا ترى ماذا يفعلون بالسياره وعن ما اذا غيروا
حاجه فعلا أم لا ؟؟ أما عن تساؤلك عن انه مؤشر خطير انهم يغيروا السره على 5000 كم ! فلعلك تذكر فى موضوعى
" النيوسيراتو سياره جيده جدآ " انى ذكرت انى اقتحمت مطب صناعى عالى قبل كوبرى بنها بسرعة 130 وضربت
فرامل بكل قوتى واصطدمت بالمطب والسياره طارت وانى شعرت ان فيه حاجه انفصلت أو انخلعت من مكانها ؟؟
والله أعلم ممكن يكون ده السبب خاصة اذا لمست المطب بالعجله اليسرى أولا ! أى انها أكلت كل الصدمه !
عمومآ مهما كان السبب ! فربنا يخلى لنا الضمان اللى المفروض اننا دافعين فلوسه من سعر السياره ! وربنا يوقعنا فى
مهندسين شرفاء يخافوا ربنا !
Dr. Bolbolan ptmnlo123per122
__________________
ليت الشباب يعود يوما فأخبره بما فعل المشيب بى ! ptmnlo123per1127
|