رد: مشكلة في نيو اكسنت 2010
الموضوع انا شايف انة غريب ومش صح انة يحصل كدة
انا معى لانسر وجربت بالفعل وركزت مع صوت العربية والمفروض ان العربة تستجيب
لاى ضغطة على البنزين وكمان مش المفروض انها لا تسقف ولا تكركر وان سبت
العربية دايرة على مطلع وهى على D تلاقى العربية تقف مكانها وعداد RBM بيبقى
من 800 الى 1000 وبمجرد ما تضغط بنزين العربية بتتحرك عادى
وشايف فعلا ً انك تروح التوكيل الرئيسى بأبو رواش وتتأهب نفسيا ً للمهندس اللى
هيصر ان الموضوع دة عادى وان لو العربية فيها مشكلة مش هسيبك تمشى بيها وكل
الكلام دة انا سبق وسمعتة قبل كدة ولو اصر اطلب انك تدخل لمدير الصيانة مش
المهندس رئيس الورية ومتنساش فالبداية انك تسجل شكوتك كاملة بأمر الشغل وتأكد ان
المهندس كتبها من الايصال الاصفر اللى بيسلمهولك وبرضو تتكتب فى ورقة الصيانة
اللى بتستلمها الورقة البيضاء اللى بتاخدها وانت ماشى لان دة ممكن ان احتجتة يفيدك
بعد كدة وان شاء الله يعملوها والعربية تبقى زى الفل
|