السلام عليكم
أنا عاوز خبرتكم يا جماعه فى انكم تساعدونى فى حاجه محيارنى جدا
أنا عاوز أشترى عربية بس فيها مواصفات غريبة مش عارف أوفقهم مع بعض أبدا
أولا حجم الشنطه كبير عشان أنا عندى محل و بشترى بضاعة و محتاج الشنطه تكون واسعه
ثانيا ارتفاعها عن الأرض ما يكونش قليل يا ريت
ثالثا و هوا السعر مش عاوز أوصل لل 90 عاوز أقل من كده يعنى عربية محندقه كده مش عاوز أنا سرعات عالية و غرز و كلام من ده دى سياره عائلية بس لازم تكون مريحه لأن معظم وقتى بيبقى فى العربية و رجلى مش هقولكم متبهدله من الدبرياج
رابعا ما يكونش شكلها عامل زى علبة الكبريت يعنى هههههههههه يعنى شكلها مقبول و قطع غيارها مش نار
أنا قولتلكم فى الأول انها حاجه صعبة
فياريت تردوا عليا ولو فى واحده بس ما فيهاش حاجه من دول قولوا عليها بردو ممكن تكون تنفع بس قولوا ايه الى ناقص
و كده يبقى ألف شكر أوى و جزاكم الله خيرا