[م احمد]

سيدى الفاضل اولا ربنا يجعل تعبك ده فى ميزان حسناتك و يجزيك عنه خير
انا جديد فى المنتدى و كمان فى موضوع السيارات و معايا من 30 الى 35 الف
من قراتى لتعليقات حضرتك حسيت ان الهيونداى اكسينت هتكون الانسب لى و قدامى عربيتين هما الارخص على موقع كونتاكت كار واحدة مو 96 كورى حالة شاذة فابريكة دواخل عاملة 137000 كم موتور 1500 cc و اخرها 36 الف و التانية مو 98 برضه فابريكة دواخل عاملة 150000 كم موتور 1300 cc و برضه اخرها 36 الف بس صاحبها بيقول انه مهندس ميكانيكا و قعد يحكى لى ساعة عن اهتمامه بصيانة العربية و ان حالتها ممتازة جدا , دلوقتى انا عاوز اعرف هل الاكسنت فعلا افضل حاجة لى و لا ممكن اللانسر البطة او حاجة غيرهم
و بالنسبة للعربيتين دول هل فيهم حاجة مناسبة
و هل ابعد عن ال 1300 cc لانى سمعت انها ضعيفة و تكيفها بيضعف العربية
و لو فى حاجة مناسبة لى قدام حضرتك يبقى كتر خيرك
و ارجو انك تستحملنى و معلش على الاطالة