[بدر بسيونى]

اولا مبدئيا العربيات الصينى وانا مش متحيز وللعلم انا لا املك واحدة ولا عامل فى شركة ليها ادنى علاقة بيها

تاريخ العربيات الصينية حديث بالمقارنة بالعربيات الاوربية واكيد مستحيل نقارن بين شيرى على سبيل المثال وفولكس فاجن لفرق الخبرة والتواجد بالسوق وثانيا العربيات الصينى اللى بتنزل مصر تحديد معظمها والاغلبية العظمى منها بتخاطب الفئة من متوسطى الدخل وانت نازل وناخدمثال العربية الاسبيرانزا A516ثمنها حوالى 70 الف بامكانيات عربية فوق ال120 الف فى حين الالمانى منها مابيقلش عن 180 الف اكيد فرق ال110 الف موجود ولا احد يستطيع انكاره بس هل تستطيع دفعه بمنتهى الصراحة لا فمن الاخر وراى الشخصى ان نتوجه للصين بالشكر عشان قدرت توفر عربية فى امكانيات وخامات مقبولة بسعر مناسب للغاية بدل ما الغلابة يقضوها ميكروباصات وبالنسبة لجزئية الامان وهل فى مصر امان على الطرقات وفى وسائل المواصلات الثانية الميكروباصات امنة تجاه الحوادث وهى وسيلة المواصلات الاولى فى مصر يعنى لماعربية تدخل فى الميكروباص من الجنب فيه وسائل امان اكيد لا وبالمقارنة بالفيرنا والانوس العربيتين الاكثر مبيعا فى مصر هل باعوا عشان هم امنين لا طبعا عشان انتشروا وقطع الغيار توفرت بقوة وسعر اعادة البيع ارتفع ومافيهموش abs &ebd وكلنا عارفين التقفيل المصرى وماادراك ان المصرى فى مصر يمد ايده فى حاجة

فلو العربيات اللى بتيجى مصر الصينى تحديد احنا زعلانين انها مش بتدخل اوربا وطب ونزعل ليه دخل الفرد هناك كام وطرقه شكلها ايه ودخل الفرد عندنا كام وطرقنا مش محتاجة وصف واخد حقوقه فى شتى الاتجهات فمش منطقى مقارنتنا باوربا فى الامان فى السيارات لان اوربا تختلف عنا فى كل شئ فمش من العدل ان العربيات تكون مختلفة

واخيرا لايعيب سيارة فى مصر او فى العالم انتاجها بالعكس توكيلها يعنى الفيرنا و هيونداى عموما ابتدت مع وكيل صغير زى اللى بيجيبوا العربيات الصينى كانت حتبقى زى ماهى دلواتى ل طبعا وكانت كل العيوب بتاعتها حتظهر وابعد عن الكورى وغنيلوا والكلام ده واكبر دليل على كلامى ماركة شيرى الصينية باعت كام قبل ابوالفتوح وكام بعده عنى المصريين معظمهم بيشتروا العربية من اسم الوكيل ابو الفتوح اخد شيرى كله اشترى مع حد تانى انسى ماجيبهاش

وشكرا لكاتب الموضوع على فتح الموضوع الشائك ده لان النقاش فيه مهم لابعد حد