رد: اختلاف الموديل فى شهادة البيانات عن الرخصة مشكلة خطيرة جدا ياريت حل
عزيزي دعنا نفترض بعض المسميات حتي يسهل الشرح
أن مرور السيارة الحالي مثلا مصر الجديدة و المرور السابق كان مدينة نصر و انت عاوز تنقلها مثلا الجيزة
روح لموظف الشبك (في مرور مصر الجديدة ) و اديله 20 ج و اطلب منه انك تشوف الملف و شوف هل اصول الرخص اللي قبل كده الموجودة في ملف السيارة كان مطبوع عليها موديل 99 ولا 94 ،، أما في حالة ان الملف لسه جديد و العربية كانت لسه منقولة من (مرور مدينة نصر ) اعرف رقمها القديم في مرور (مدينة نصر) و روح و اعمل نفس الموضوع مع موظف الشباك ممكن ساعتها تلاقي اصل الملف كامل هناك و العبرة هتكون بصورة اذن الافراج الجمركي في الملف ،،، و لو تبين منها ان العربية موديل 99 ممكن تروح ثاني (مرور مصر الجديدة ) و اطلب شهادة بيانات جديدة مع استكمال البيانات من المرور السابق (مرور مدينة نصر) ،،، هيملوا شوية بيانات مثل اسمك و الشاسيه و الموتور و الضريبة و يختموا علي هذه البيانات و يكتبوا دباجة من تحت (كطلب لمرور مدينة نصر لاستكمال سنة الصنع ) و سعادتك تخذها بايدك و تروح بيها (مرور مدينة نصر) و يكتب سنة الصنع و يختم ختم النسر .
و بكده تبقي حصلت علي شهادة بيانات بالموديل الصحيح تقدر بقه تسلمها في اي مكان (الجيزة مثلا ) و تطلع لك الرخصة موديل 99
ملحوظة : عربيتك نوعها ايه اصلا ؟؟؟؟
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته
الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|