السلام عليكم....
- انا اشتريت عربية نيو اكسنت سبورت من سمير ريان شهر 2 الي فات وللاسف مكنتش متابع كيفية استلام العربية .. المهم قدر الله وما شاء فعل .. لقيت عيوب في كابود العربية انه فيه فراغ من ناحية فانوس العربية الشمال وده اكتشفته بعد اسبوع للاسف .. ولما رحت اعمل صيانه الالف في ابو رواش قالي دي لازم تدخل هياكل علشان تتظبط ..يعني يوم تاني غير انه مبيفتحش يوم السبت الي هوه اجازتي اصلا.. المهم رجعت وانا متعكنن وزادت الطينة باله بأن الكاست بدأ يعمل حركات نص كم .. بمعني يقلب من الفلاشة للراديو لوحده وكمان ممكن الاغاني علي الفلاشة تقف لوحدها والكاست شغال عادي بس مافيش صوت ودي كانت خفيفه في الاول بس كترت دلوقتي ولازم اقفل الكاست وافتحه علشان يقرا الفلاشة عدل ..
بجد انا مش عارف اعمل اية .. لو حد يعرف او قابل المشكلة دي قبل كده سواء موضوع الكابود او الكاست ياريت يفدني
وشكرا.....