موضوع ملعبك
الموضوع و ما فيه أني نويت خير اللهم أجعله خير أجيب عربيه
هتقولولي فين المشكلة ؟
هأقول أنا كان معايا لانسر بومه رياضيه كامله أشتريتها م الوكيل بس بعد ما عرفت أني أشتريتها بنظام ربوي حرام رجعت بعتها و خسرت فيها مبلغ محترم بعد ما قعدت معايا سنه كامله و شهرين و بقت ذي الأفيونه ف دماغي
مش مقتنع بعربيه تانيه غيرها
المهم الأمكانيات ما تسمحش اليومين دول أدفع مقدمها و لا قسطها
بالذات بالنظام الأسلامي
بعد فترة إكتآب قلت أجيب عربيه تانيه لفترة و بعدين أبيعها و تبقى مقدم لعربية أفضل .
أقضي بيها مشاوير شغلي و معظمه سفر و كتير تحركاتي جوه البلد وسط القاهرة و سعات بشيل شغل فيها
و على فكره أنا عندي 3 بنات و ولد
قلت أجيب عربيه مريحه شويه بس سعر إعادة البيع بتاعها يكون كويس
أكيد هخسر فيها بس مش كتير
و أجيبها قسط بالنظام الأسلامي
أنا كنت بأفضلها أوتوماتيك و ممكن تكون فيرنا
بس لو شايفين اللانوس المانيوال أفضل ماشي
المهم
أنتم أختاروا
بس بالله عليكم دلوني على الصواب من وجهة نظركم
و الله يوفقنا جميعآ للخير
و شكرآ
|