[mada_mopco]

المشاركة الأصلية كتبت بواسطة مهند سالم لو ليك في القسط وعايز تريح دماغك من قرف المستعمل، المبلغ ده هيجيب ليك حاجة زيرو ممتازة، يعني إلا إنت عايزه ياباني أو كوري أو أمريكي أو حتى أوروبي. وممكن تجيب عربية فوري بالمبلغ ده بس هتبقى تعبانة شوية، يعني طبعا هتجيب لادا 2107 بس هتحط ألفين تلاثة كمان، وهتجيب سوزوكي ألتو، بس طبعا العربيتين دول تعبانين شوية، ومش مفضلين. يعني اللادا هي لادا إيجيب تجميع مصري تعبان شوية وقطع غيارها الجديدة مش أد كدة، والألتو تجميع هندي وعفشتها ضعيفة، وعموما العربيتين فقراء جدا في الإمكانيات، يعني الفرش متوسط الحال وكذلك التابلوه وهكذا. أما لو ليك مزاج في المستعمل يبقى طبعا المبلغ ده يجيب حاجة ياباني تسعينات فبريقة والاختيارات كثيرة، يعني هيجيب لانسر أو كرولا أو صني وغيره كثير، وبصراحة ما أقدرش أرشح ليك حاجة بعينها، اللقطة إلا هتقع قدامك هي إلا هتحدد، بس لو وقعت على كرولا فبريقة أواخر التسعينات أو حتى لانسر من 98- 2000 يبقى ممتاز وعلى فكرة المبلغ ده يجيب عربية جيب شيروكي تسعينات بحالة جيدة، بس الشيروكي مكلفة جدا في التجديد والترخيص لأنها معظمها 4000 سي سي، يعني هتلاقي نفسك كل سنة بتدفع أكثر من ألف جنيه تجديد الترخيص، وطبعا العربيات الفور باي فور كلها قطع غيارها غالية، وتقبل مروري.

شاكرين فضلك يا استاذ مهند بس لو فيها تقل مني , تنصحني بايه لو حاجه جديدة بالمقدم ده 40-45 والقسط لا يزيد عن 500 جنيه