[hossamhussein0]

ايييييييييييييييه يا جماعة بالراحة شوية

أنا كان معايا لانوس 2 موديل 2001 من الزيرو و كنت مركب طقم جنط اسبور 13 علي كاويتش سرعات عادي جدا 175 - 70 - 13


و كنت مرة في عام 2007 راجع من مصيف رأس البر للقاهرة علي الطريق الدولي الساحلي و منه الي طريق الاسماعيلية القاهرة الصحراوي ptmnlo123per1140و كان معايا 3 افراد و شنط و مشغل التكييف طول الطريق و كانت زي الحلاوة و كانت سرعتي في معظم الطريق بين 140 و 160 و كنت باخذ غرز علي الواسع و في اكثر من مرة اضررت لتقليل السرعة الي 90 و 80 ( يعني فرامل و علي سرعة عاليه ) ثم رجعت الي التسارع مرة اخري ( بحكم الطريق يعني ) و كانت زي الفل و كمان كان يومها بالصدفة فيه شاب معرفوش معاه واحدة جديدة ( أول لما نزل اللون السماوي ) و كانت عربيته فاضية (كان راكب لوحده) و لما شفني بجري اتشجع و لا سخن الله اعلم بس كان بيجري معايا طول طريق الاسماعيلية و ما كنش فيه مشكلة لا عنده و لا عندي.

بس معلش فيه نقطة مهمة جدا أنا عربيتي كانت فبريكة و صيانة كل 5000 كم في التوكيل ( حتي تغيير الزيت كان في التوكيل ) و كان عدادها عامل وقتها 45000 كم

و احب أقول للزميل الذي يقول ان اللانوس زباله ،، ياريت بلاش الالفاظ المستفزة دي ثاني ptmnlo123per169و ياريت يكون ردك يحمل من الموضوعيه اكثر من التهور ptmnlo123per183

و من الواضح أنه يا اما بيتكلم بناء علي تجربة شخص ما ممكن جدا يكون معاه عربية متهانة و وحشة اصلا ؟

أو يا اما بقه فيه واحد بلانوس قطعه في الطريق و عمله عقده ؟ هههههه ،،،

و كمان احب انصح صاحب المشاركة اللي بيقول عربيته ضايعه في الثبات يروح يصلحها احسن و يكشف علي العفشة و يظبط زوايا و هواء العجل و بعدين يتكلم ptmnlo123per172،،، لانه لو كان الموضوع عيب تصميم أو صناعة كان هيبقي عيب عام علي كل السيارات كلها أو حتي 80 - 90 % منها ptmnlo123per1141 و هذا لم يحدث بل الاغلبية تشكر في السيارة بدليل نمو المبيعات خلال العشرة أعوام الماضية.


و إن كنت سمعت والله اعلم أن الجودة قلت بكثير في الموديلات من 2005 و حتي الان لوجود مكونات صيني كثيرة في العفشة علي وجه الخصوص ،،، بس بصراحة منذ أن بعت عربيتي ماركبتش لانوس ثاني و مش عارف هل ده صح ام اشاعات ؟ ptmnlo123per172

يا ريت لو حد ذو خبرة عميقة في السيارات و يكون ركب الاثنين القديمة و الجديدة يفيدنا برأيه عن ذلك ،،،،،ptmnlo123per184


بس لحين ما تتضح الصورة أود التأكيد علي ان اللانوس عربية محترمة جدا جدا جدا و ده رايي الشخصي عن خبرة 17 سنة في امتلاك و تجربة عربيات كثييييييييييييييييييييييي ييييييره من أول سيات 133 الي شيروكي 99 الي مرسيدس سي 180 موديل 2000 ptmnlo123per193 و حاليا لوجان 2009 و الحمد لله