[مهند سالم]

المشاركة الأصلية كتبت بواسطة د0تامر محمد شكرا لك وكامل إحترامى لوجهة نظرك لكن لى عدة ملاحظات 1- موضوع أنه يبقى فقط عن السيارات هذا يعود لرؤيتى لأن السيارة جزء من حياة الإنسان ولا يصح أن تكون هى محور حياته والمرويات هنا عن تجربة حياتية تهتم بالأساس بالسيارة لكن بمواقف مرتبطة بأشخاص 2- لا أفهم عبارتك بأن هناك كثير من الخروج عن النص !!!! هل هناك كلمات خارجة عن النص وإساءة؟ 3-ما علاقة تغيير سيارة بتغيير الزوجة وخلافة ؟ وماعلاقتها بعدم شكر النعمة؟ لاحظ العنوان (حكايتى) أى حكاية قد تصل فى مرحلة إلى القص وقد لا تتعدى كونها مروية وكله فى سياق الحكى والسرد مما يجعلها تلمس الحقيقة فى جانب ولا تخرج عن الخيال والتصور فى جانب آخر شكرا لك وتقبل تحياتى

أولا شكرا على اهتمامك بالرد، وده جميل منك،
ثانيا أنا أقصد خروج عن نص الموضوع، إلا هو حكايتي مع السيارات، يعني فيه كلام كثير بعيد عن السيارات، لا أقصد خروج عن الأدب لا سمح الله، حضرتك واضح جدا إنك إنسان مهذب ومحترم، وإنت أصلا مش محتاج لمديحي، لأن أنا متأكد إن كل الناس على هذا المنتدى بتحبك، ويا ريت تقبلني كمحب لشخصيتك وأسلوبك.
ثالثا: تقبل وجهة نظري بخصوص مسألة التغيير، أنا عارف طبعا إن تغيير السيارة مختلف تماما عن تغيير الأشخاص بلا شك، لكني أقصد إذا تحولت المسألة لإدمان، وده طبعا ليس موجها لشخصك الكريم، أنا أقصد بصفة عامة إذا تحول موضوع التغيير لإدمان لمجرد التغيير، إن الإنسان كل ما يتعود على شيء يمل منه ويحاول يغيره، وأنا شفت نماذج كثير من الناس إلا فعلا عايشة في تعاسة بسبب المسألة دي، بمعنى أصح مضيعة كل مجهودها وكل إمكانيتها فقط في التغيير، مع إن ممكن الحاجة إلا كانت معاه هي الأجمل والأريح.
بمعنى إني أرى لو الإنسان معاه سيارة مريحاة ومقضية كل أغراضه إنه ما يفكرش يفرط فيها، إلا لسبب وجيه، بغض النظر عن السبب ده هوإيه، يعني ممكن تبقى سيارة جميلة لكن صغيرة وإنت مثلا عائلتك كبرت، أو السيارة ضعيفة شوية وإنت مشوارك بق بعيد أو صعب، أو أو أو، يعني من وجهة نظري لازم يبقى فيه سبب وجيه للتفريط في الشيء، ما دام ما قصرش، وإلا أنا شايف إن التغيير لمجرد التغيير بيجلب الخسارة والندم.
عموما الخواطر الأخيرة في كلامي دي كانت غير موجهة لحضرتك طبعا، دي كانت مجرد كلام بصفة عامة.
وأخيرا تقبلني كصديق، -وده الإميل بتاعي qqq.ayzain@hotmail.com، وهأبقى سعيد جدا لو ضفتني، وشوف إنت بق لما يبقى عندي صديق طبيب وطبعا زملاؤه كمان أطباء يعني هتبقى فرصة إني أقع على عربية استعمال طبيب كبيرة جداااااا هههههه، أنا طبعا بأهزر، أنا يشرفني معرفتك، وهأتابع موضوعاتك لإنك روحك مرحة ومهذب، وشكرا
ملحوظة: أنا لا أنكر رغم إني شايف إن في كلام خارج عن موضوع السيارات، إلا إني فعلا استمتعت بيه، وبكل كلامك، ولك ان تتخيل شخص يقرأ حاجة وعشرين صفحة متواصلة أكيد مستمتع بكل كلمة
صحيح يا دكتور إنت إزاي بتلاقي وقت تشترك في منتديات وتقعد على النت وكدة، يعني سامحني أنا عارف إن الدكاترة ما بتلاقيش وقت تتنفس، وتقبل مروري.