[aalim]

المشاركة الأصلية كتبت بواسطة Dr. Bolbolan يا أخ عبدالعليم ! حضرتك كده خسرتنى كى بورد ميكروسوفت و تى شيرت ! علشان أنا كنت بأشرب شاى وأنا بأقرأ مشاركتك ! ما قدرتش أمسك نفسى من الضحك وبخيت الشاى على الحاجات دى و بوظتها ! يارب تكون بتشرب شاى انت كمان وانت بتقرأ مشاركتى دى ! علشان السيراتو غيروا اسمها لظيراتوا علشان بتظرت وهى ماشيه ! والتكييف بيطلع ريحه وحشه ! وبتضرب مدافع بعد سرعة 60 طبعا ده غير الشقلبظات ! والكلاكس بتاع الموديل الجديد بينهق ! وأول لما بتديلها الآولانى على الستبترونيك بتبرطع على طول ! بس خللى بالك لو البنزين وصل تحت الربع العربيه بتقمص ! والانذار الجديد بتاعها لما بييجى حرامى بتطلع رجل ترفصه و قرون تنطحه ! ولو فتحت الكبوت ح تلاقى 124 حصان صغيرين مربوطين بين العجلتين ! و بتمشى بالغاز الطبيعى ( أى غاز طبيعى ! والبلدى منه أشد ) ! ptmnlo123per111 والله حــراااااااام خليتوا الواحد لســــــع على آخر الزمن ! ptmnlo123per1106 Dr. Bolbolan

انا اسف على الشاى يا دكتور عبد السلام و يشرفنى انى ضحكت حضرتك

و الله الاشاعات على السيراتو فاقت كل الحدود لدرجه انى حاسس الناس بتتكلم على عربيه غير اللى الواحد راكبها و وصلت لدرجه كوميدية

و مش باستبعد انه قناه موجه كوميدى تعمل برنامج تسميه "سيراتو شو" و يدى فرصه لكل من لديه اشاعه او عايز يشنع على العربيه او تطلع قناه اسمها سيراتو دراما للمسلسلات التى تتناول حياه السيراتو و الاشاعات المغرضه عنها و كيف تنأى بنفسها عن ذلك فى الثلاثية "لن اركب فى سيراتو ابى" و "امرأه من زمن السيراتو" و "دموع فى عيون كورية"