[ringoo]

استاذ حسام ازى حضرتك ارجو ان تكون فى صحة وسعادة واسمحلى اعلق على مشاركتك الاخيرة

المشاركة الأصلية كتبت بواسطة hossamhussein0 مش عاوز اقولك ،،، أنا امبارح روحت اكثر من معرض مخصوص علشانك و سألت و الكل أجمع ان الموجود في السوق مغربي فقط حتي الوكيل أكد علي ذلك دة كلام سليم 100 * 100 ومجهود تشكر عليه وواجب علينا اننا نحييك على محاولتك فى افادة اعضاء المنتدى وكان فيه واحد صاحبي من حولي 5 شهور كان عاوز يشتري لوجان و راح لاحد المعارض في مدينة نصر ( هجيب لك اسمه بالضبط ) و سأله عن الروماني و الراجل قاله ممكن اجبهالك لو عاوز بس تدفع 30000 ج جدية حجز و تختار اللون و الاستلام بعد 3 شهور و افاده بالاسعار اللي انا قولت لك عليها 74900 و 66900 ج و كانت مماثلة لاسعار التوكيل حينما اشتريت انا عربيتي علشان كده انا متاكد منها ،،، بس علشان صاحبي كان لسه بايع عربيته و ماكنش ينفع ينتظر طويلا من غير سيارة اشتري المغربي كاش من ياسين. الكلام اللى اتقالك واتقال لصاحبك فى المعرض دة نصب علنى ... استنى بس متحدفنيش بحاجة ptmnlo123per122 طيب حقولك ليه نصب علنى ... اولا الشركة المصرية العالمية للسيارات مش غبية علشان تنزل نفس العربية بنفس المواصفات واحدة اغلى من التانية 7 الاف جنيه فى مقابل اختلاف بلد المنشأ .... دة كلام مش منطقى اللى حصل ان شركة رينو لما تعاقدت على استيراد رينو لوجان المغربى تحت بند اتفاقية اغادير .. كان فى مخزون من السيارات الرومانية وطبعا علشان مش حينفع يبيع نفس العربية الرومانى بسعر اغلى من المغربى ... قامت شركة رينو بتدعيم السيارات الرومانية وبيعها بالاسواق بنفس سعر المغربى حتى ينفز المخزون الرومانى ......................... ............. يعنى الراجل المحترم بتاع المعرض كان بكل بساطة حيروح معرض الطارق يدور عنده على اى عربية رومانى كسر وتتظبط ويبعها لصاحبك ب 75000 جنيه وهو شاريها 66900 الف جنيه الكلام دة عارف من امتى من شهر 5 اللى فات يعنى علشان ياخد عربية رومانى مركونة اكتر من 6 شهور بالاضافة لركنتها قبل كدة عموما صديقك ربنا بيحبه انه كان مستعجل ... وعلى فكرة الكلام دة معروف لمعظم متابعى السيارة و يا سيدي لو انت عاوز الروماني و حاببها ممكن تلاقي منها كسر زيرو للبيع و هتبقي في الضمان برضه و بحالة الجديدة و اعتقد هتكون ارخص كمان من المغربي الزيرو

تقبل مرورى يا استاذ حسام ويا رب اكون ضيف خفيف عليك