[ahmed_darhos]

المشاركة الأصلية كتبت بواسطة fineart607 السلام عليكم ورحمة الله وبركاته صوت التزييق الى من اسفل بعد لما طلعوا عين ...... عملوه وقالو من كاوتش علبة الشكمان وكانو عايزيين يا خذو فلوس بس انا مش رضيت وده فى خدمة جسر السويس تكنو سيرفس الى بجوار خدمة دايو ومرسيدس وفى هناك مهندس استقبال جاهل يعبره المهم ان تزييق الزجاج مش عايز يروح لانهم عملو فيه ال لألى ومرحشى ومش حيروح

الأخ fineart.... قولتلى قبل كده على مشكلة الازاز وان فى اتنين أصحابك عندهم M11 وعندهم نفس المشكلة...
يا ريت بلاش نيأس .. احنا دلوقت بنجمع بعض لانه لازم نكون عدد كويس .. خطتنا اننا هنحدد يوم ونتقابل كلنا ونتعرف ونتفق نروح التوكيل ( أبو رواش) مع بعض .. و هنكتب ورقة بالمشاكل اللى فى كل عربية على حدة ونختار واحد يقابل مدير المركز ويطلب حل كل مشاكلنا ويعرفه اننا مش هنمشى غير لما كل العيوب تتصلح من غير ماندفع أى مليم.... ولو دة ما حصلش هنطلع كلنا برابطة المعلم على جهاز حماية المستهلك... احنا دلوقت بقينا تسعة.. يا ريت تكلمنى ضرورى او تبعتلى تليفونك انت وكل اصحاب M11 اللى تعرفهم... حتى لو فى حد ماعندوش مشاكل فى عربيتة يتضامن مع الباقى..

المشاركة الأصلية كتبت بواسطة AboNoRa والله مش عارف اقولكو ايه طبعاً موقف ايجابى وشجاع منكم وعايز اقولك انى اقترحت على الناس فى اسبيرانزا كلوب من سنين نفس الكلام ده ومفيش نتيجة ياريت لو قدرتو تكونو مجموعة من خمسة بس حتى وتقعدو مع حد من التسويق هناك وتتكلمو معاه بالعقل الاول لكن لو ناويتو خلاص يبقى اول خطوة تعملو شكوى فى حقوق المستهلك وبعدين تحددو ميعاد الوقفة الاحتجاجية ديه وتقولولنا وانا هحاول ان شاء اعملها التغطية المناسبة اعلامياً وتأكد ان فى خلال شهور ان لم يكن اسابيع هتبقى حديث المدينة بالتوفيق طبعاً ويارب متوصلش لمشاكل وده رقم تليفونى للتنسيق 0109943300

فعلا الكبير كبير... ألف شكر على موقفك ده يا أبو نورا... و احنا فعلا هنحاول نحل المشكلة ودى فى الاول .. ولو مااتحلتش هنروح على حماية المستهلك.. وأنا هبلغك بأى تطورات أول بأول..

المشاركة الأصلية كتبت بواسطة حازم شاهين ربنا يوفقك و تقدر تجمع عدد يقدر يأثر على التوكيل و يحسن من مستوى خدماته

شكرا يا أستاذ حازم على اهتمامك.. و دعواتك معانا..