[hossamhussein0]

فيشة ايه و زرار ايه يا جماعه

هوه الموضوع هزار ولا ايههههههههههههههههههههههه ههههه

نسبة الاوكتين الموصي بها دي بتتدرس وفقا لضغط البساتم و حاجات فنية كثيرة ،،، ولو كان الموضوع زرار او فيشه ما كنش حد غلب و كان الواحد يدور علي فيشة تحت الكنبة مثلا علشان يحط جاز بدلا من البنزين.

هناك مشاركة جيدة جدا و مستفيضة عن الاوكتين و الفارق بين انواع البنزين هتلاقوها مثبته في منتدي الصيانة ،،،، يا ريت تقرؤها جيدا و بعدين تفهموني بجد ايه اللي انتم بتتكلموا عنه ده .

ملحوظة :
عادة الفيش تحت الكراسي بتبقي للسيارات التي بها سخان كراسي أو اير باج علشان حزام الامان و في بعض الموديلات بتكون علشان وحدة التحكم بتاعت السنتر لوك ،،، و لو كانت من ناحية الكنسولة يبقي ممكن تكون تبع الفتيس الاوتوماتيك مثلا ، و حيث أن اللانوس تباع في بعض الدول ذات الطقس الجليدي و طبعا بمعايير جودة غير المتاحة عندنا ممكن يكون ده تجهيز خاص في الضفيرة لمثل تلك الاضافات ( الضفيرة في الغالب بتكون واحدة مع اختلاف الطرازات )