[hossamhussein0]

أولا: و كتعقيب مختصر عن كتابة بعض الزملاء

أول انتاج للفيرنا كان 2004

و يا جماعه الثبات شئ الوصول لسرعة و السير فيها علي خط مستقيم حتي بدون مسك الدركسيون شئ ثاني خالص ،،، كل العربيات ممكن تصل الي 180 و 190 كم بس المهم الامان و انت علي هذه السرعة لو اضررت مثلا لتخفيض السرعة لسبب مفاجئ أو الانتقال من حارة لاخري مثلا ،،، يعني الموضوع مش طريق فاضي و اجري و خلاص و اقول انها 100% حتي علي سرعة 180 أو 190


ثانيا : ورجوعا للموضوع الاصلي و عن تجربة للاثنين (أمتلك لوجان و ياما ركبت فيرنا سواء داخل المدينة أو علي الطرق السريعة)

أكيد اللوجان احلي و بمراحل كمان

أما عن الامان و الثبات ،، و ردا علي احد الزملاء الاعزاء الذي قال أنه يعتقد أن ثباتها في الضياع لانها عاليه علي الارض !!!! أود أن أسرد لكم الحقائق التالية :-


1- اللوجان طريق مصر الاسكندرية الصحراوي علي سرعة 180 كم و غرز مفتوحة و تخفيض السرعة الي 90 ثم التسارع مرة اخري (لظروف الطريق ) كانت ممتازة و ثابته وزي الفل ،،


2- في أحد المرات كنت راجع باللوجان ليلا من الاسكندرية للقاهرة علي الطريق الصحراوي و كنت تقريبا ماشي علي سرعة 100 - 120كم و دوست علي حجر ملقي وسط الطريق ptmnlo123per111 كان واقع من عربية نقل ، وكان في حجم خرطوشة السجاير أو أعلي بقليل ، كنت فاكره كيس فاضي او ورقة ملقاه من احد العربيات الثانية ،،، المهم دوست عليه بالجانب الايمن و الحمد لله لم يحدث اي شئ بخلاف الاحساس العادي عندما تاخذ مطب و لم تتمايل السيارة حتي للحظات علي الطريق و لا اضرار في العفشة او خلافه علي الاطلاق
و انا اعتقد انه لو كانت السيارة صيني او حتي فيرنا كان ممكن تتقلب ptmnlo123per195


أما عن الكماليات و المواصفات الفنية
تمتاز اللوجان بتكييف رائع حتي في السلانسيه (لا يقل عن تكييف الفيرنا باي حال من الاحوال ) و اللوجان برضه هي الاوسع والافخم و الاعلي عن الارض و موتورها رشيق جدا (موتور الفيرنا بيبان انه اقوي شوية لان البودي خفيف) أما بودي اللوجان فعامل زي اللادا (تصميم و صاج روماني و ما ادراك ما الروماني) ،، اللوجان كمبيوتر معلومات و ايرباج للسائق و عدادات ديجيتال ( الفيرنا مافيهاش حاجة من دول خالص) و اضيق في الصالون و الشنطه


أما عن ما تمتاز به الفيرنا فهو
رخص ثمن قطع الغيار ptmnlo123per193
اسعار غبور مقبولة نوعا ما وارحم من اسعار نصير ptmnlo123per182
الباور احلي من اللوجان.ptmnlo123per1140


و لكن مع انتشار اللوجان المتزايد جدا حتي انها اصبحت بالحجز و سعرها زاد 1000 ج ، باتت قطع غيارها منتشرة خارج التوكيل و باسعار معقولة جدا (و تايواني و مغربي و روماني ) و هناك ايضا استيراد في الحرفيين و ده عامل مشجع جدا جدا و كمان قرأت في احد الاخبار أنه تم التوقيع علي دخولها ضمن المرحلة الثانية لسيارات الاحلال للتاكسي و طبعا هتبقي ساعتها حاجتها مترمية في كل حته.


و اخيرا و من وجهه نظري الشخصية و ان كنت اتمتع بخبرة تناهز السبعة عشر عام في السياراتptmnlo123per1135

العربيات اذواق و ياريت لو تروح لاحد المعارض و تتفرج بنفسك علي العربيتين و تقعد فيهم و تشوف نفسك مرتاح لمين فيهم أكثر و ان كان رايي الشخصي طبعا اللوجان أحسن وهي الصفقة الرابحة في السوق المصري الحالي لهذه الفئة من السيارات و يكفي انها من اصل اوروبي و يكفي علامة رينو علي العربية وهي لوحدها تسوي كثير

مع كامل احترامي لاراء الاخرين

ملحوظة اخيرة : من أقوي عيوب اللوجان "علي راي الاعلانات" أنها مابتمشيش علي الحيط و ما بتعومش في البحر و كمان ما بتطيرش في السماء