ابويا كان عنده واحدة أشتراها بـحوالي 3000ج سنة 88
وكان مسميها عزيزة .. بس الجيران كانو بيقولوا عليها زوبة ..هههه (مع أن زوبة بتاعة حلوة يازوبة كانت موديل مختلف)
ومش هاتصدقو لما أقولكم انه كان يبسافر بيها من بلدنا في الصعيد لحد عندي في الأسماعيلية ايام ماكنت في الجامعة
و مرة واحد شافها نمر ملاكي المنيا في الأسماعيلية وراح موقفنا في وسط الشارع و قالو انت جاي بيها من المنيا لحد هنا ... اشتريها منك ، بس ابويا مرضيش .. و قالو أبيعهالك و أورح انا أزاي ... ههه
و كانت شغالة مية مية لحد سنة 98 تقريبا باعها عشان مكانش ساعتها مهتم بيها
و الفتيس كان في الدركسيون
و الأبواب بتفتح عادي (مش عكس بعض)
و اللي انا فاكره ان مروحة الراديتير كانت بتلف عمال علي بطال (مكانش ليها ترموستات)
وكانت عربية جميلة .. بس كان بيتعب عشان يلاقيلها قطع غيار بسهولة
شكلها كان كده زي دي
