|
غابة الغلابة
لما الطفل فى حضن أمه يبقى غريب
لما الحق ويا الصدق يبقى هوه العيب
لما المال يبقى هوه أساس الإختيار
لما الحقايق تندفن فى الجوف أسرار
لما الضيق يخنق ف الغلابة
لما القانون يبقى حكم الغابة
لما صياد المحرومين يلبد كأنه ديب
لما الخبائث تطغى على البستان وتطيب
لما الولد فى عز الخضار يطوله الشيب
لما العليل ينده سراب 00ولافيش مجيب
لما الشر يحكم وتغيب الطيابة
لما العتمة تملى النور ضبابه
تبقى الدنيا بعدها مر ومرار
تبقى الحياة فى الأسر لهيب ونار
__________________
|