وقفة لملاك M11 مع التوكيل
مساء الخير على كل ملاك ال M11 .....
فى ناس كتير من ملاك M11 عندهم مشاكل فى العربية وتقريبا كلها واحدة...
وهى: أولا. صوت مجهول المصر بييجى من الخلف لغاية دلوقتى مش عارفين منين.
ثانيا. صوت رجرجة فى الازاز بتاع الابواب ومش معروف اذا كان سببه سوء خامات الكاوتش اللى حوالين الازاز ولا فى المكنه بتاعة الازاز.
ثالثا. وده الاهم صوت كركرة فى الموتور ( تصقيف أو سكة) و دى ظهرت فى معظم العربيات مش كلها..
أنا حصل عندى الصوت ده ورحت أبوغالى و قالولى البوجيهات لازم تتغير.. واتصلو بالوكيل وطبعا رفض يغيرها على الضمان وقال ان ضمانها 5000كم بس وانا كنت عاما 8270كم..
عموما احنا عاملين نفس الموضوع على أكتر من منتدى وبنحاول نجمع أكبر عدد ممكن من الملاك اللى عندهم المشاكل دى أو أى حاجة تانية والتوكيل مبيصلحهاش...
خطتنا اننا الاول نتفق على ميعاد ونتقابل ونروح كلنا التوكيل فى يوم واحد و نهددهم انهم لو ما حلوش مشاكلنا هنروح على طول على جهاز حماية المستهلك....
ياريت يا جماعة نبقى ايجابيين و نحاول ناخد حقنا.. لأن بجد العربية حلوة ولو حلوا المشاكل دى هتبفقى تمام قوى...
و دايما يد الله مع الجماعة..
يا ريت اللى يحب يشارك يكتب رد هنا و يكون فيه رقم موبايله أو يكلمنى
أخوكم د/ أحمد حسين
0103719436
أو يكلم الاخ محمود رجب (صاحب الفكرة) على رقم
0121720909
|