رد: العفشة السبور (سؤال وجواب)
لو غيرت السوست بسوست أنشف بس مش أقصر هتعلى العربية بنسبة بسيطة....يعنى هتدى تأثير سلبى على الثبات مش أيجابى.
حاجة كمان.....قص السوست لا يجب أن يتم بالتسخين عشان بيأثر على مقاومة السوستة وبيخلى مقاومتها تقل و بالتالى العربية تطنطط فى العالى والواطى اللى فى شوارعنا الجميلة.
بالنسبة لموضوع الراليات ده موضوع كبير قوى.....يعنى العفشة بيطلق عليها رياضية عشان بتستحمل أكتر من العادى
ده غير أن مش كل عربيات الرالى بتبقى أعلى من الطبيعى بسبب العفشة......ممكن تبقى بسبب الجنوط الأكبر والكاوتش العالى مش اللى ببروفايل قليل......وعشان كده هتلاقى معظم عربيات الرالى ( زى الأمبريزا مثلاً ) بتبقى الرفارف بتاعتها متعدلة عشان متخبطش فى الكاوتش العالى ( بسبب علو الكاوتش نفسه و كبر حجم الجنط ).....كلامى بخصوص الرالى ممكن يكون غلط......عشان أنا مش خبير قوى فى عفشات الرالى.....بس الحمد لله ليه خبرة كويسة فى العفشات الرياضية اللى بتتجاب عشان تزيد ثبات العربية.
|